Slioch

O Uicipeid
Jump to navigation Jump to search
Slioch
Bridge of Grudie - geograph.org.uk - 7557.jpg
Slioch agus Loch Ma-ruibhe
Àirde (m) 981
Àirde (tr) 3,218
air liosta Beinn Rothaich
Suidheachadh
Slioch is located in Alba
Slioch
Slioch (Alba)
Suidheachadh Leitir Iù
Mapa cumadh-tìre Landranger 19
Comharradh-clèithe NH00456908

'S e beinn ann an Leitir Iù air a’ Ghàidhealtachd a th’ ann an Slioch. Tha diofar bheachdan ann a thaobh dè tha an t-ainm a' ciallachadh. Dh'fhaodadh gu bheil e a' tighinn bhon fhacal Ghàidhlig Sleagh, oir tha Coire na Sleaghaich dhan ear dheth. Ge-tà, sgrìobh ministear Poll Iù anns na 1830an gur e Sliabhach an t-ainm air a' bheinn. 'S e seann fhacal airson beinn a th' ann an sliabh agus dh'fhaodadh gun tàinig sin dhan sgìre le Maol Rubha anns an 7mh linn. Dh'fhaodadh e cuideachd tighinn bho Sleaghach a tha a' ciallachadh gur e beinn coltach ri sleagh a th' ann, mar a thuirt daoine ionadail aig toiseach na 20mh linn[1].

Tha Slioch 981m de dh'àirde agus 's e Beinn Rothaich a th' ann.

Leis gu bheil a' bheinn air taobh tuath Loch Ma-ruibhe, feumar coiseachd fada gus faighinn thuice. Mar as trice bithear a' dèanamh air a' bheinn seo bho rathad beag faisg air Ceann Loch Iù, agus bithear a' coiseachd air bruthaichean a tuath an locha mus fàgar iad aig Abhainn an Fhasgaidh. [2].

Bhon mhullach gheibhear seallaidhean air leth air Loch Ma-ruibhe, beanntan Achadh an Iasgair, Thoirbheartain, Na Fanaichean agus air an Eilean Sgitheanach.


Iomraidhean[deasaich | deasaich an tùs]

  1. Drummond, Peter 1991: Scottish Hill and Mountain Names. Scottish Mountaineering Trust, d. 129-30.
  2. Slioch air Walkhighlands

Ceanglaichean a-mach[deasaich | deasaich an tùs]

Commons-logo.svg
Tha dealbhan ann an Wikimedia Commons cuideachd a tha ceangailte ris an aiste seo: