Seumas III Alba

O Uicipeid
Gearr leum gu: seòladh, lorg
Seumas III, Rìgh Alba
Seumas III - ìomhaigh a rinneadh an 1562
Rìoghaich e: 3 an Lùnasdal 1460 – 11 an t-Ògmhios 1488
A' leantainn: Seumas II
Sliochd

Seumas IV
Seumas, Diùc Ròis
Iain, Iarla Màrr

Oighre Seumas IV
Cèile-pòsda Mairead dhen Danmairc
Taigh Rìoghail Na Stiùbhartaich
Athair Seumas II
Màthair Màiri de Guelders
Rugadh e: Mu 1451
Eug: 11 an t-Ògmhios 1488, Blàr Sauchieburn
Àite-tiodhlacaidh: Abaid Camus Choinnich, Alba

Chaidh Seumas III a chrùnadh na ghille beag ann an Abaid Kelso goirid às dèidh bàs athar, Seumas II, aig sèiste Chaisteal Rosbrog (3 an Lùnasdal 1460).

Na òige, chaidh a dhùthaich a riaghladh le tanaistearan mòra nach robh ach a-mach air an son fhèin; b' iad feadhainn de theaghlach mòr nam Bòideach a bu mhotha buaidh air an rìgh òg. Chuir iadsan am pòsadh air dòigh eadar Seumas agus Mairead dhen Danmairc an 1469; ri linn a' phòsaidh seo, fhuair Alba sealbh air Sealtainn agus Àrcaibh a rèir tochradh Mhairead (bha na h-eileanan seo le Nirribhidh roimhe sin).

Cha robh Seumas III a-riamh measail aig muinntir a dhùthcha; cha do chuir e sùim ann an cumail na còrach, agus chuir e co-bhanntachd air dòigh eadar Alba is Sasainn - rud a bhiodh a' cur air a chuid uaislean, a mhiannaich cogadh leis an t-seann nàmhaid.

B' fheàrr le Seumas a dharna mac a bu shine - Seumas, Diùc Rois - na am fear a bu shine, am prionnsa Seumas. Mu dheireadh thall, rinneadh ar-a-mach le uaislean na dùthcha, agus am prionnsa òg aig an ceann. Chaidh cath mòr a chuir aig Sauchieburn, Siorrachd Sruighlea (11 an t-Ògmhios 1488), agus chaidh Seumas III a mharbhadh.

Airson iongnadh, bha a mhac Seumas aois 15 agus ullamh gu riaghladh - rud a bha na annas airson nan Stiùbhartach, dham b' àbhaist a bhith a' fàgail naoidheanan às an dèidh.