Santander

O Uicipeid
Santander
Bratach a' bhaile Gearradh-arm
no Seula

Suidheachadh
Dùthaich An Spàinn
Ceàrn Santander
Sgìre Cantàbria
Co-chomharran 43° 28′ 00″ Tuath
03° 48′ 00″ Iar
Feartan fiosaigeach
Farsaingeachd 34.76 km²
Àireamh-shluaigh 177,123 (2014)
Dlùths 5,095.6/km²
Àireamh fòn 942
Duilleag oifigeil A' Chomhairle

'S e baile mòr agus port gu math cudromach ann an Cantàbria (An Spàinn) a th' ann an Santander (IPA: santanˈder). Tha e suidhichte ann an ceann a tuath na dùthcha, aig 15m os cionn ìre na mara, anns an sgìre Shantander fhèin. Chaidh am baile a stèidheachadh ann an 1248. 'S e dìreach Spàinntis a tha ga bruidhinn an seo. 'S e am port, turasachd,na bataichean-aiseig agus gnothaichean ceangailte ris a' mhuir a tha a' cumail eaconomaidh a' bhaile a' dol. Tha 177,123 duine a' fuireach ann. Chan eil eucoir na trioblaid mhòr an seo.[1]

Freumahn an Ainm[deasaich | deasaich an tùs]

'S ann à sanct (naomh) agus Ander (Anndra) ann an seann Spàinntis a tha ainm a' bhaile. Bheireadh sin Cill Anndra neo Baile Anndra dhuinn sa Ghàidhlig an latha an diugh.[2] Tha cuid eile dhen bheachd gur ann à Portus Sanctorum Emeterii et Celedonii (Sancti Emetherii > Sancti Emderii > Sanct Endere > San Andero > Santendere > Santanderio > Santander).

Eachdraidh[deasaich | deasaich an tùs]

Thathar air stuth Ròmanach a lorg san àite far an robh port, air an robh Portus Victoriae Iuliobrigensium.[3] Nochd ainm a' bhaile ann an sgrìobhainn airson a' chiad turais ann an 1068. Ann an 1158 fhuair Santander a chuid chòirichean a thaobh mhalairt a thug piseach air an eaconomaidh. Rinn teintean sgrios air a' bhaile ann an 1296 agus 1311 Thàinig an rèile - agus turasachd - ann an 1858.[4] Chaidh 590 duine a mharbhadh ann an spreadhadh air a' bhata Cabo Machichaco ann an 1893. Cha robhar a' gabhail ri riaghailtean a thaobh stuthan chunnartach a làimhseachadh agus spreadh tunnaichean dineamait anns a' port. Thuit am baile gu na Reubaltaich Faisisteach ann an Cogadh Sìobhalta na Spàinne ann an 1937. Chaidh 90,000 saighdear a mharbhadh ann an sabaid anns a' bhaile fhèin agus san sgìre mu timcheall.[5] Chaidh Oilthigh Cantàbria a stèidheachadh an seo ann an 1972.[6]

Cruinn-eòlas[deasaich | deasaich an tùs]

A rèir figearan an Riaghlatais, 's e an t-Iuchar a' mhìos as teotha agus 's e am Faoilleach a' mhìos as fhuaire ann an Santander .[7] Tuit 1129mm de dh'uisge air a' bhaile fad na bliadhna - dìreach 44mm nas lugha na Steòrnabhagh (1173mm) - leis gur e àite fliuch a th' ann, an taca ri àiteachan eile san Spàinnː

Daoine Ainmeil[deasaich | deasaich an tùs]

Iomraidhean[deasaich | deasaich an tùs]

  1. Diario Montañés
  2. Fernández González, Lorena (2002). Santander una ciudad Medieval. Estvdio. ISBN 9788495742056
  3. Regio Cantabrorum
  4. Alar Santander
  5. Diario Montañés
  6. UNICAN
  7. Aemet
  8. Matilde Camus