Robert Garioch

Robert Garioch
Beatha
Breith	Dùn Èideann, 9 dhen Chèitean 1909
Dùthaich	Alba
Bàs	26 dhen Ghiblean 1981
Foghlam
Foghlam	Oilthigh Dhùn Èideann An Àrd-sgoil Rìoghail
Cànain	Eadailtis
Dreuchd
Dreuchd	eadar-theangair, sgrìobhadair agus bàrd
Duaisean a fhuaras	liosta Cholmondeley Award
Gluasad	Ath-bheòthachadh na h-Alba
Seirbheis san arm
Meur an airm	Arm Bhreatainn
Strì	An Dàrna Cogadh

B' e Robert Garioch Sutherland (9 an Cèitean 1909–26 an Giblean 1981) bàrd agus eadar-theangachair Albannach, cliùiteach airson na h-obrach cudromaich aige (le William Soutar agus Sidney Goodsir Smith) ann an ath-bheòthachadh na Beurla Ghallta ann am meadhan an fhicheadamh linn.

Bàrdachd

Am measg nam buadhannan litreachail air, bha Robert Fergusson agus am bàrd dualchainnt Eadailtis Giuseppe Gioachino Belli. Rugadh Garioch ann an Dùn Èideann agus chaidh e gu Oilthigh Dhùn Èideann. Bidh Dùn Èideann a' nochdadh gu tric san obair aige. Lean e an obair ath-bheòthachadh a thoisich Ùisdean MacDhiarmaid, ged nach robh e daonnan a' gabhail leis a' chùrsa chànanach a stiùir MacDhiarmaid fhèin. Dh'eadar-theangaich e bhon Laideann dà dhealbh-chluich aig Seòras Bochanan, a bharrachd air litreachas Pindar is Hesiod. Dh'fhoillsich e cruinneachadh bàrdachd còmhla le Somhairle MacGill-Eain, Seventeen Poems for Sixpence, ann an 1940.

Beatha

Dh'obair e mar thidsear, agus bha e na neach-sanais rè an Dàrna Cogadh. San 60an leig e a dhreuchd dhìot mar thidsear is thòisich e ag obair aig Sgoil Eòlais na h-Alba ann an Dùn Èideann is chaochail e ann an 1981.