Oscar Wilde

O Uicipeid
Gearr leum gu: seòladh, lorg
Oscar Wilde
Oscar Wilde Sarony.jpg
Fiosrachadh
Rugadh Flag of Ireland.svg Baile Átha Cliath 16mh An Damhair 1854
Bàs Flag of France.svg Paris 30mh An t-Sultain 1900
Obair Litreachas
Drama
Bàrdachd
Cànan Beurla
Linn 19mh linn
Creideamh Caitligeach

B' e Oscar Fingal O'Flahertie Wills Wilde (16 an Damhair 1854 ann am Baile Átha Cliath30 an t-Sultain 1900 ann am Paris) na ùghdair Eireannach. Bha e a b' ainmeile mar dràmaiche nuair a bha e beò, ach bha e a' sgrìobhadh dàintean agus rosg cuideachd. Bha e a' cleachdadh paradacsan gu leòr - b' esan, còmhla ri G. K. Chesterton, aon de na sgrìobhadairean a bha gan cleachdadh as motha.

Dràmaiche[deasaich | edit source]

B' e Oscar Wilde na dhuine soirbheachail agus iomraichteach anns an deireadh 19 linn air sgàth nan dealbhan-cluich a bha e a' sgrìobhadh. Mar as àbhaist, 's iad aoirean làn de còmhradh sgaiteach is beur, agus thathar feadhainn dhiubh gan cluich fhathast, as trice The Importance of Being Earnest.

Bàrd[deasaich | edit source]

'S e The Ballad of Reading Gaol an dàn as ainmeile aige. Chaidh Wilde a chur am prìosan airson dà bhiadhna ann an 1895 airson eucoirean co-sheòrsach agus sgrìobh e an dàn an dèidh dha am prìosan fhàgail. Tha e a' smaoineachadh air peanas-bàis ann.

Sgrìobhadair ruisg[deasaich | edit source]

Sgrìobh Oscar Wilde grunnan sgeulachdan goirid, an dà chuid àbhachdach (m.e. Lord Arthur Savile's Crime) agus brònach (m.e. The Happy Prince), na tha a' nochdadh an clò mar chruinneachaidhean gu seo. Rinn e cuid mhath dhiubh airson cloinne. Cha do sgrìobh e ach aon nobhail, The Picture of Dorian Gray, ach tha ise am measg leabhraichean clasaigeach an-diugh.

Commons
Tha dealbhan ann an Wikimedia Commons cuideachd a tha ceangailte ris an aiste seo: