Loch Laomainn

loch-uisge
Sruth a-mach	Uisge Leamhna
Dùthaich na sgìre-ghlacaidh	Alba
Dùthaich	Rìoghachd Aonaichte
Sgìre riaghaltais ionadail	Siorrachd Dhùn Breatann an Iar, Earra-Ghaidheal agus Bòd, Comhairle Shruighlea
Anns a’ sgìre-ghléidhteachais	Pàirc Nàiseanta Loch Laomainn agus nan Trosaichean
Siorrachd eachdraidheil	Siorrachd Sruighlea, Siorrachd Dhùn Breatann
Suidheachadh cruinn-eòlais	Breatainn Mhòr
Domhan-leud is -fhad	56°8′54″N 4°39′5″W

'S e loch ann an Alba a tha ann an Loch Laomainn (Beurla: Loch Lomond). Tha e mu 14 mìle (23 km) tuath air Glaschu. 'S e Loch Laomainn an loch as motha ann an Alba. Tha mu 22 eilean beag anns an loch, agus tha a' mhòr-chuid dhiubh fo shealbh prìobhaideach.

Tha e 24 mìle (39 km) a dh'fhad agus eadar 0.75 mìle (1.21 km) agus 5 mìle (8.0 km) a leud. Tha e mu 120 troigh a dhoimhne (37 m) agus 620 troigh (190 m) aig an àite as doimhne. 'S e seo co-chomharran an locha: 56° 5′ 0″ Tuath agus 4° 34′ 0″ Iar.

Tha e na phàirt dhe Phàirc Nàiseanta Loch Laomainn agus nan Tròisichean.

Tha Loch Laomainn a' nochdadh gu math tric ann am bàrdachd agus òrain. Mar eisimpleir: Chaidh an t-òran "Loch Lomond" a dhèanamh ann an 1841.^[1]

Sèist:

Oh, ye'll tak' the high road, and I'll tak' the low road,
And I'll be in Scotland afore ye;
But me and my true love will never meet again

On the bonnie, bonnie banks o' Loch Lomond.

B’ àbhaist do Runrig a bhith a' cluich an òrain aig deireadh nan cuirmean-ciùil aca 's iad a’ cluich air bruach an locha.

Eileanan Loch Laomainn

Tha a' mhòr-chuid den 22 eilean a th' air an cuairteachadh le uisgeachan Loch Laomainn fo shealbh prìobhaideach. Gheibhear an eileamaid innis sna h-ainmean as sine dhiubh, ged a tha eilean air a' bheag-chuid. Seo feadhainn de na h-eileanan as suaicheanta:

Boc Innis
An Ceàrdach
Clàr Innis
Craobh Innis
Eilean a' Bhùth (eilean air an robh bothag)
Eilean Darach
Fraoch Eilean
Innis Chailleach (eilean san robh cill chailleachan-dubha)
Innis Chonachain (a bha fo shealbh Chlann Mhic a' Chombaich fad iomadh bliadhna)
An Innis Chruinn
An Innis Fhada
Innis Lònaig (aithnichte airson nan craobhan iubhair aige a chaidh sìol-chur le Rìgh Raibeart Brus, a rèir beul-aithris)
Innis Mòna (a bha na stòras connaidh do mhuinntir Luis)
Innis Mearain (Naomh Mearain)
Innis Taigh a' Mhanaich (air an robh manachainn 's dàimh aige ri Naomh Ceasaig)
Eilean an Tairbeirt