Leonardo Boff

O Uicipeid
Leonardo Boff
Beatha
Ainm slàn Genézio Darci Boff
Breith Concórdia, 14 dhen Dùbhlachd 1938
Dùthaich  Braisil
Àite-fuirich Petrópolis
Teaghlach
Bràithrean ⁊ peathraichean
Foghlam
Foghlam Oilthigh Ludwig Maximilian ann am Munich
Cànain Portagailis
Dreuchd
Dreuchd sagart Caitligeach, diadhair, sgrìobhadair agus feallsanaiche
Fastaichean Rio de Janeiro State University (en) Translate
Oilthigh Shalamanca
Duaisean a fhuaras
Gluasad diadhaireachd an t-saorachaidh
Far-ainmean Al Qaeda Terrorist
Creideamh
Creideamh Caitligeachd
Òrd Franciscans (en) Translate
leonardoboff.org

'S e sagart agus diadhair Caitligeach a th' ann an Leonardo Boff (Fìor ainm: Genézio Darci Boff, Concórdia, 14 an Dùbhlachd 1938).[1] Tha e air a bhith an sas ann an diadhaireachd an t-saoraidh fad a bheatha.

Beatha[deasaich | deasaich an tùs]

Bhuineadh na sinnsearan aige do Venezia thall san Eadailt, a dh' fhàg iad aig deireadh an 19mh Linn. Tha a bhràthair Clovis na shagart cuideachd.[2] Fhuair e a cuid fhoghlam ann an Concórdia fhèin, Rio Negro, agus Agudos. Thug e ceum ann am feallsanachd à Oilthigh Churitiba agus ann an diadhaireachd à Oilthigh Caitligeach Phetrópolis. Ann an 1959 ghabh e ann an cuideachd nan Frainseasach. Mu dheireadh thall, fhuair e dotaireachd ann an diadhaireachd à Oilthigh Mhünchen, ann an 1970. B' e Karl Rahner a stiùir Boff tron teusas aige, Die Kirche als Sakrament im Horizont der Welterfahrung. Thug na sgrìobh Martin Heidegger buaidh mhòr air Rahner.[3] B' e ball a' Chomainn Iosaid a bh' ann Rahner.[4]

Diadhair an t-Saoraidh[deasaich | deasaich an tùs]

Eadar 1970 agus 1992 bha e na ollamh ann an diadhaireachd eagarach agus eadar-eaglaiseach ann an Institiud Frainseasach na Diadhaireachd ann an Petrópolis a bharrachd air a chuid obrach ann an corra oilthigh eile ann am Braisil. Eadar 1970 agus 1985 bha e na dheasaichear aig Vozes agus bha e an lùib: Théologie et Libération. B' e esan a dheasaich cruinneachadh na sgrìobh Carl Gustav Jung[5]. Chuideachd dheasaich e Eclesiástica Brasileira bho 1970 gu ruige 1984 agus Cultura Vozes bho 1984 gu ruige 1992 a bharrachd air Revue Internacional la Consultation eadar 1970 agus 1995. Cuideachd ann an 1992 fhuair e dotaireachd honoris causa à Oilthigh Lund agus tha e ann an co-luadar le corra dhaoine san Eaglais anns an t-Suain fhathast.[6]

Ann an 1984 chaidh a ghairm dhan Bhatacain le Buidheann Mion-cheasnachadh Mòr na h-Eaglaise, air a stiùireadh le Joseph Ratzinger, far an d' fhuair e fìor dhroch chàineadh air sgàth na sgrìobh e san leabhar aige Igreja: carisma e poder, a ghabhadh ri Diadhaireachd an t-saoraidh. An ath bhliadhna, ann an 1985, chuir an eaglais peanas air Boff air sàilleabh gu robhar dhen bheachd gu robh ceangal làidir ann eadar Diadhaireachd an t-saoraidh agus Marxachas:[7] B' e sàmhchair agus a ùmhlachd bhathar a' sireadh bhuaithe. A dh'aindeoin seo, cha robh na rinneadh dha cho doirbh an taca ri na rinneadh dhan Fhraingeach Jacques Pohier, is lean Boff air mar shagart is e gu math gnìomhach san eaglais ann am Braisil fhèin.[8]

Ann an 1992, leis gu robh e a' dèanamh coimhearsnachd làidir an aghaidh ceannardan nam Frainseasach agus a’ càineadh gu cunbhalach mu na dhèanadh Pàpa Iain Pòl II, chaidh a chur a-mach às an dreuchd aige mar shagart agus chaidh a dh'fhuireach ri boireannach air a bheil Marcia Maria Monteiro de Miranda. Cha do phòs iad. Tha Boff air sianar duine-cloinne a dh'uchd-mhacachd, agus tha dithis oghaichean aige cuideachd. Thug Diadhaireachd an t-saoraidh buaidh mhòr air Fidel Castro agus bha esan agus Boff nan deagh charaidean.[9]

Àrainneachd[deasaich | deasaich an tùs]

Thuirt Boff, ann an òraid a rinn e aig an treas Forum Diadhaireachd agus Saoradh na Cruinne ann am Belém ann an 2009, gu robh esan a' gabhail ri Gaia, an teòiridh a chruthaich am fear-saidheans James Lovelock. 'S ann gu bheil an saoghal ag obrachadh mar mhòr-bheathach a tha an teòiridh sin ag obair.[10] Chan ann mar phròiseas teicnigeach a dh fheumas sinn a' smaoineachadh air eag-eòlas airson goireasan a sholarachadh, ach mar ealain – 's e ìre ùr ann an dàimh eadainn agus nàdar 's a th' ann sin ars esan, agus mura nithear sin, lean an saoghal air, ach 's dòcha às ar n-aonais.

Na Sgrìobh e[deasaich | deasaich an tùs]

  • Saber cuidar. Petrópolis: Vozes, 2011.
  • O evangelho do Cristo Cósmico. Petrópolis: Vozes, 1971.
  • O caminhar da igreja com os oprimidos - Do vale das lágrimas à terra prometida. Rio de Janeiro: Codecri, 1981.
  • Casamento entre o céu e a terra. Rio de Janeiro: Salamandra, 2001.
  • A Águia e a Galinha. Petrópolis: Vozes, 2002.
  • Experimentar Deus. A transparência de todas as coisas, Campinas: Verus, 2002.
  • São José, a personificação do Pai. Campinas: Verus, 2005.
  • Igreja: carisma e poder. Ensaios de uma eclesiologia militante. São Paulo: Record, 2005.
  • Ética da vida. Rio de Janeiro: Sextante, 2005.
  • A força da ternura. Pensamentos para um mundo igualitário, solidário, pleno e amoroso. Rio de Janeiro: Sextante, 2006.
  • Masculino e Feminino. Experiências vividas. Rio de Janeiro: Record, 2007.
  • Homem: Satã ou Anjo Bom. Rio de Janeiro: Record, 2008.
  • Ecologia, Mundialização, Espiritualidade. Rio de Janeiro: Record, 2008.
  • O Evangelho do Cristo cósmico. A busca da unidade do Todo na ciência e na religião. Rio de Janeiro: Record, 2008.
  • Eclesiogênese: a reinvenção da Igreja. Rio de Janeiro: Record, 2008.
  • Meditação da Luz - O caminho da simplicidade. Petrópolis (RJ): Vozes, 2009

Iomraidhean[deasaich | deasaich an tùs]

  1. Leonardo Boff
  2. Editions du Cerf
  3. Nuevo Mundo
  4. Karl Rahner von Albert Raffelt, Hansjürgen Verweyen, C.H.Beck, 1997 ISBN 3-406-41941-0
  5. Leonardo Boff
  6. Lunds Universitet
  7. Mídia Sem Máscara
  8. The Silencing of Leonardo Boff: Liberation Theology and the Future of World Christianity, oleh Harvey Cox, (1988) ISBN 0-940989-35-2
  9. Deutsche Welle
  10. Sentier de Foi
Tha dealbhan ann an Wikimedia Commons cuideachd a tha ceangailte ris an aiste seo: