Huesca

O Uicipeid
Gearr leum gu: seòladh, lorg
Huesca
Flag of Huesca.svg Blasón de Uesca.svg
Bratach a' bhaile Gearradh-arm
no Seula
Huesca desde la Catedral I.JPG
Huesca municipio mapa.png
Suidheachadh
Dùthaich Flag of Spain.svg An Spàinn
Ceàrn Flag of Huesca (province).svg Huesca
Sgìre Flag of Aragon.svg Aragón
Co-chomharran 42° 08' 24' Tuath
00° 24' 32' Ear
Feartan fiosaigeach
Farsaingeachd 161.04 km²
Àireamh-shluaigh 52,239 (2009)
Dlùths 324.39/km²
Àireamh fòn + 34 974
Duilleag oifigeil Duilleag Oifigeil

’S e baile mòr faisg air Teruel ann an cridhe na Spàinne a th’ ann an Huesca (IPA: weska). Tha e suidhichte aig 470m os cionn ìre na mara,[1] 380km air falbh bho Mhadrid, prìomh-bhaile na Spàinne, agus 230km bho Bharcelona.[2] Tha 52,239 duine a’ fuireach ann an Huesca.[3] A bharrachd air sin, ‘s e prìomh-bhaile na Roinne Huesca a th’ann cuideachd.

Freumhan an ainm[deasaich | deasaich an tùs]

Tha e coltach gur ann à Bolsksan ann an Ibearais, air sàilleabh gu bheil an t-ainm a' nochdadh air buinn Ibearach, ach chan eil e soilleir na tha sin a' ciallachadh idir. Chaidh sin atharrachadh gu Osca no Urbs Victrix Osca ann an Laideann às aonais an t-iar-leasachan -skan, nuair a bha an sgìre fo bhuaidh nan Ròmanach - b' e atharrachadh mòr a bh' ann. On 8mh Linn a-mach chanadh وشقة (Washqah)[4] ris an àite ann an Arabais agus nochd am foirm ùr a th' againne an latha an-diugh an dèidh nan Arabach: Huesca ann an Spàinntis (le dà-fhoghair an àite fuaimreag: /ɔ/ gu /wo/).[5]

Eachdraidh[deasaich | deasaich an tùs]

B' e na Ceilt-ibearaich a bh' ann mus tug na Ròmaich seilbh air an Spàinn air fadː chanadh Ileoscan ris aig an àm.[6] Rinn an rìgh Peadar I ionnsaigh air Huesca ann an 1029 agus chuir e ruaig air na h-Arabaich, an dèidh còrr is trì ceud bliadhna. Mar a b’àbhaist san Spàinn, chuireadh ainm a’ bhaile air an roinn nuair a chaidh a stèidheachadh ann an 1833.[7] Thuit am baile dha na reubaltaich Faisisteach beagan an dèidh an ar-a-maich an aghaidh an Riaghaltais aig toiseach toisichidh Cogadh Sìobhalta na Spàinne ann an 1936.[8] A dh'aindeoin seo, dh'fheuch an Riaghaltas ris a' bhaile fhaighinn air ais agus thugadh ionnsaigh air a' bhaile bho 12 an t-Ògmhios gu ruige 19 an t-Ògmhios 1937.[9] Chaill còrr is 1,000 duine am beatha sa chòmhstri. Chaidh George Orwell leòinte sa chath.[10] Bha mòran mì-earbsa ann eadar ʽ Ain-Riaghailtich agus Comunaich tron ionnsaigh.

Cruinn-eòlas[deasaich | deasaich an tùs]

A rèir figearan an Riaghlatais, 's e an t-Iuchar a' mhìos as teotha agus 's e am Faoilleach a' mhìos as fhuaire ann an Huesca.[11] Cha tuit ach 531mm de dh'uisge air a' bhaile fad na bliadhna - 642mm nas lugha na Steòrnabhagh(1173)[12] - leis gur e àite uabhasach tioram a th' ann:

Clima Huesca (España).jpg

Bailtean Co-cheangailte[deasaich | deasaich an tùs]

Iomraidhean[deasaich | deasaich an tùs]

  1. Milarium
  2. Distance Calculator
  3. Cunntas-sluaigh na Spàinne
  4. Aquesta
  5. Boletín de Filología
  6. Cuevas, Pedro José (2000). «Pobladores». Cuenca. Cuenca: Alfonsípolis
  7. Ethnoterritorial Concurrence and Imperfect Federalism in Spain
  8. Hurtado V., La Sublevación, 2010, Barcelona: DAU. ISBN 978-84-936625-6-1
  9. Maldonado Moya J. Mª., El frente de Aragón. La Guerra Civil en Aragón (1936–1938), Mira Editores, 2007, ISBN 978-84-8465-237-3.
  10. Orwell G., Homage to Catalonia, Harvil Secker, 1938, ISBN 9782264030382
  11. Climate Data
  12. Aragón
  13. Femp

Ceanglaichean A-mach[deasaich | deasaich an tùs]