Der Mauerspringer
| Der Mauerspringer An Leumadair Bhallachan | |
| Fiosrachadh | |
| Sgrìobhadair | Peter Schneider |
| Bliadhna Foillseachaidh | 1982 |
| Cànan | Gearmailtis |
| Dùthaich |  A' Ghearmailt
|
| Gnè-sgrìobhaidh | Nobhail |
| Cuspair | Cogadh Fuar |
| Suidhichte | Berlin |
'S e nobhail às A' Ghearmailt a sgrìobh Peter Schneider 's a th' ann an Der Mauerspinger (Darmstadt, 1982, Gàidhlig: An Leumadair Bhallachan).[1] Suidhichte ann am Berlin aig àm a' Chogaidh Fuaire nuair a bha am baile agus an dùthaich fhathast air an sgarradh ann an dà stait eadar-dhealaichte, 's ann mu bhuaidh a' Chogaidh Fuaire air na daoine 's a bhruidhinneas an leabhar. Rinn Reinhart Hauff film dhe ann an 1982, air an robh Der Mann auf der Mauer Gàidhlig: Am Fear air a' Bhalla).[2]
Cnuasathadh Sònraichte an Ùghdair
[deasaich | deasaich an tùs]Ged a sgrìobhadh an nobhaileag 's a tha seo co-dhiù seachd bliadhna mus thuit Balla Berlin, mhothaich an t-ùghdair gum maireadh buaidh sgarradh na dùthcha fiù's bliadhnaichean anns na làithean ri theachd.[3] Cha robh duine sam bith dhen bheachd gun tuiteadh am balla mar a thuit e, ach cha b' e ach Schneider a smaoinich gum biodh e bèo nar cinn ged an dèidheadh e à sealladh. Mar a thuirt Schneider:
"Bheir e nas fhaide dhuinn am Balla a leagail nar cinn na dh' fheumas companaidh sgriosaidh sam bith airson a' Bhalla a chì sinn."[4]