Chaparral

O Uicipeid
Jump to navigation Jump to search
Chaparral
Flag of Chaparral (Tolima).svg Escudo de Chaparral (Tolima).svg
Bratach a' bhaile Gearradh-arm
no Seula
Mapa a' bhaile
Colombia - Tolima - Chaparral.svg
Sealladh air a' bhaile
[[Faidhle: |300px]]
Suidheachadh
Dùthaich Flag of Colombia.svg Coloimbia
Roinn Flag of Tolima.svg Tolima
Àirde 854m
Co-chomharran 04° 55' Tuath
75° 07' Iar
Feartan fiosaigeach
Farsaingeachd 2,124 km²
Àireamh-shluaigh 46,712 (2005)
Dlùths 21.99/km²
Duilleag oifigeil Comhairle Chaparral

‘S e baile beag ann an Tolima, Coloimbia,[1] a th’ann Chaparral. Tha e suidhichte aig 854m os cionn ìre na mara aig astar dhe bho Bhogotá. Tha teodhachd meadhanach dhe 24˚ aige. Chaidh am baile a steidheachadh ann an 1773.

Freumhan an Ainm[deasaich | deasaich an tùs]

'S e ainm Spàinntis a tha a' ciallachadh Achadh nan Darach a th'ann Chaparral, às an fhacal chaparro (basgais: txaparro).[2] Tha an t-iar-leasachan -al a' ciallachadh àite làn chraobh neo doire-choille,[3] m.e: El Rosal ann an Cundinamarca neo Yopal ann an Casanare.

Sluagh a' bhaile[deasaich | deasaich an tùs]

Tha 46,712 nan tàmh anns a' bhaile, agus 21,374 dhuibh a' fuireach anns na sgìrean dùthchasail am broinn crìochan a' bhaile.[4] Tha fearrann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.[5] Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail. Le sin, ‘s e pàtran àireimh-sluaigh uabhasach traidiseanta a th’ann.

Taobh chinnidh, ' s e daoine geala a th'ann a' mhòr-chuid dhe na daoine ann an Chaparral (is mòran dhuibh mestizos), tha 5.2% dhe Tùsanaich agus tha 0.1% dhe daoine le freumhan ann an Afraga. ' S urrainn dhan 81.3% dhe na daoine ann an Chaparral leughadh agus sgrìobhadh. A tuilleadh air sin, tha fòn aig an taigh aig 20.3% dhe na dachannan.[6]

Fèisean[deasaich | deasaich an tùs]

Thathar a’ cumail am iomadach seòrsa dhe fhèis ann an Chaparral. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,[7] fèisean na stàite agus tachartasan ionadail a sheallas cho làidir ‘s tha beairteas cultarail na dùthcha.

Daoine Ainmeil[deasaich | deasaich an tùs]

José María Melo (18001860): Ceann-suidhe na dùthcha ann an 1854.

Manuel Murillo Toro (18161880): Ceann-suidhe na dùthcha eadar 1864 agus 1868, agus an uair sin eadar 1872 agus 1874.

Darío Echandía Olaya (18971989): Ceann-suidhe na dùthcha iomadh turas fad na 1940an agus na 1960an.

Iomraidhean[deasaich | deasaich an tùs]

  1. Dùthchannan aig SMO
  2. Real Academia de la Lengua
  3. Spanish about.com
  4. Figearan Oifis a' Chunntas-sluaigh
  5. Cololmbia Virtual
  6. Bileag fhiosrachaidh DANE
  7. Country Studies: Colombia

Ceanglaichean A-mach[deasaich | deasaich an tùs]

An t-sìde ann an Chaparral