Buachaille Èite Beag
| Buachaille Èite Beag | |
|---|---|
 Buachaille Èite Beag bhon iar-dheas | |
| Àirde (m) | 958 |
| Àirde (tr) | 3,143 |
| air liosta | Beinn Rothaich |
| Suidheachadh | |
  Buachaille Èite Beag (Alba) | |
| Suidheachadh | Gleann Comhann |
| Mapa cumadh-tìre | Landranger 41 |
| Comharradh-clèithe | NN17915353 |
'S e beinn mhòr no aonach ann an Gleann Comhann air a’ Ghàidhealtachd a th’ ann am Buachaille Èite Beag, Beurla: Buachaille Etive Beag. Tha druim fada aige, a tha a' sìneadh bhon ear-thuath dhan iar-dheas. Tha dà Bheinn Rothaich air: Stob Coire Raineach (925 m) agus Stob Dubh (958 m). Tha e suidhichte san deas air an rathad A82 tro Ghleann Comhann agus san iar de Bhuachaille Èite Mòr. Tha mullach eile air, eadar an dà mhullach eile, a tha 902 m de dh'àirde.
Mar as trice bithear a' dèanamh air a' bheinn seo bhon rathad A82, agus a' dìreadh bhon iar-thuath dhan bhealach eadar an dà bheinn. Dh'fhaodadh an uair sin an dà bheinn a shreap agus tilleadh an aon rathad[1].
Bhon mhullach gheibhear seallaidhean air leth air Buachaille Èite Mòr, Bidean nam Bian, An t-Aonach Eagach, Beanntan Ceann Loch Lìobhann, Beinn Nibheis, agus am Blackwater Reservoir.
