Na Tròiseachan
Tha Na Tròiseachan (no Na Tròisichean) na cheàrn am meadhan na h-Alba. Tha iad ainmichte airson bòichead nàdurrach nam beann is nan gleann is nan loch.
Is e facal àrsaidh a th' anns na tròiseachan, a' ciallachadh nan àite-coise (a-rèir choltais eadar Loch Ath-chrathaigh agus Loch Ceiteirein).
O chionn's gu bheil Na Tròiseachan cho faisg air Glaschu is Sruighlea, tha iad nan ceann-uidhe coiteanta.
B'e a chiad phàirc nàiseanta Albannach Loch Laomainn is nan Tròisichean.
Is e a' bheinn as motha anns na Tròiseachan Beinn Lidi (no Lididh).
Is iad na lochannan Loch Ceiteirein, Drongaidh, Ath-Chrathaigh, Ard, Bheannchair.
Ged a tha an cearn ainmeil airson a bhòichead nàdurrach, tha iomadh baile ann cuideachd, a' gabhail a-staigh Calasraid, Obar Phuill, Srath-Eadhair, agus Both Chuidir.
Tha uaigh an fhear-cùirn ainmeil, Raibeart Ruadh Mac Griogair, ann am Both Chuidir.
