Ficsean-saidheans

Talfasg, leabhar-cloinne ficsean-saidheans le Maoilios Caimbeul

Tha ficsean-saidheans na nòs aithris (rosg, film, prògram-rèideo) a tha a-mach air beatha mhac-mheanmhach anns an àm ri teachd, stèidhichte air an Talamh no gu tric, ann am fànas.

Seòrsaichean

Ficsean-saidheans Cruaidh

Sgeulaichean a tha a' toirt faire mhionaideach do chùisean teicneòlach agus saidheansail, leithid na h-obrach aig Isaac Asimov agus Arthur C. Clark.

Ficsean-saidheans Bog no Sòisealta

Sgeulaichean a tha a-mach air a' bhuaidh shòisealta a thig le adhartas teicneòlach agus saidheansail, leithid nan nobhailean Nineteen Eighty-Four le George Orwell agus Brave New World le Aldous Huxley.

Saibeir-punc

Sgeulaichean a-mach air beatha nan daoine àbhaisteach ann an saoghal èiginneach anns an àm ri teachd, colach ris a' fiolm Blade Runner. Tha saibeir-punc na phòsadh dhe na faclan, saibeirneataic agus punc.

Opra-fànais

Sgeulachdan stèidhichte anns na speuran, làn charactaran mòra gaisgeil ri gnìomhan deuchainneach, colach ris na fiolmaichean Star Wars no na nobhailean aig Iain M. Banks.

Ficsean-saidheans anns a’ Ghàidhlig

• Iain am Measg Nan Reultan le Iain Mac a' Ghobhainn (1970)
• Talfasg le Maoilios M. Caimbeul (1990)
• An Keppler le Iain MacIlleathain (2008) anns An Claigeann aig Damien Hirst le Ùr-sgeul
• Luathas-teichidh le Tim Armstrong (2011) ann an Saorsa le Ùr-sgeul