Deogracias Fonseca

O Uicipeid
Gearr leum gu: seòladh, lorg

Deogracias Fonseca Espinosa

Ainm na Dùthcha Flag of Colombia.svg Coloimbia
Teirm 10mh an Cèitean 1957 gu 7mh an Lùnasdal 1958
Ro-Theachdaire Gustavo Rojas Pinilla
Neach-Ionlaid Alberto Lleras Camargo
Pàrtaidh Saighdear nach robh ann am Pàrtaidh sam bith
Ceann-Là Bhreithe 21mh am Màrt 1908
Àite Bhreithe Ibagué (Tolima)
Ceann-Là a Bhàis 25mh am Màrt 2006
Àite a Bhàis Florida (Valle del Cauca)
Bean/Fear-Chèile Ana María Iragorri De Castro
Creideamh Caitligeach
Dreuchdan saighdear

Rugadh Deogracias Fonseca ann an Ibagué 21mh am Màrt 1908 agus chaochail e ann an clachan ris an canar El Salado ann am Florida, (Valle del Cauca) ann an 2006. B’ e saighdear agus fear-poileataigs à Coloimbia[1], agus bha e os cionn Riaghaltas na dùthcha mar bhall Bòrd Riaghaltas an Airm bho 10mh an Cèitean 1957 gu ruige 7mh an Lùnasdal 1958. Fhad ‘s a bha e os cionn an Riaghaltais chaidh an siostam agus na bun-nòsan poileataigeach deamocratach na dùthcha, gan stadadh bho 1948, a chur air bhog a-rithist.[2][3]

Foghlam agus Dreuchdan Eile[deasaich | deasaich an tùs]

Fhuair e a chuid fhoghlam aig an sgoil San Simón ann an Ibagué. Chaidh e dhan Sgoil-Shaighdearachd ann an 1928. b’ e ceannard na buidhnean-chatha a leanas: Junín, Huila agus Camilo Torres, Distrito Militar No 12, Pichincha, Codazzi, Mixto, Juanambú, Boyacá, Santander agus Nariño. Thug e cliù dhàsan fhèin aig a’ Bhlàr Güepí 16mh an Cèitean 1933, far an do deach e leòin, rè a' Chogaidh Coloimbia-Pearu.

A bharrachd air sin bha e na bhall agus na àrd-cheannard oifigearan an treas bhuidhne-chatha, àrd neach-sgrùdaidh na Feachdan Armachd, riochdaire na Feachdan Armachd rè tadhal oifigeil gu Santiago de Chile, riochdaire Choloimbia aig na Fèisean Armachd anns A' Bheiniseala, na cheannard na Poileis Nàiseanta agus na bhall Bòrd Riaghaltas an Airm. Leig esan a dhreuchd a dhèoin agus thug e an cumhachd dhan Cheann-suidhe Alberto Lleras Camargo 7mh an Lùnasdal 1958.

Slighe chun a’ Chinneas[deasaich | deasaich an tùs]

Bha e na bhall Bòrd Riaghlaidh an Airm a thug thairis an Riaghaltas 10mh an Cèitean 1957 gu ruige 7mh an Lùnasdal 1958 còmhla ris an Àrd-sheanailear Gabriel París Gordillo, an Ceannard-feadhna Rafael Navas Pardo, an Àrd-mharaiche Rubén Piedrahíta Arango agus an Ceannard-feadhna Luis Ernesto Ordóñez Castillo, nuair leig an Leas Seanailear Gustavo Rojas Pinilla a dhreuchd mar Cheann-suidhe na dùthcha.

Teaghlach[deasaich | deasaich an tùs]

Phòs e Ana María Iragorri De Castro 18mh an t-Ògmhios 1936 ann am Popayán far an do rugadh ise fhèin ann an 1919, is ise nighean Carlos Iragorri Castro agus Aida Luz Castro Escorza. Fhuair iad dusan duine chloinne ri chèile: Jesús Enrique, Yolanda Teresa, Alina Socorro, Carlos Alfonso, Marco Aurelio, Nisle Inés, Ana Mireya, Guillermo Alberto, Patricia Helena, Gustavo Adolfo, María Elvira agus Carmen Eugenia Fonseca Iragorri.

Iomraidhean[deasaich | deasaich an tùs]

  1. Dùthchannan aig SMO
  2. Presidencia de Colombia
  3. Leabharlann Luís Angel Arango

Ceanglaichean A-mach[deasaich | deasaich an tùs]

Arm Coloimbianach(Spàinntis)