Slighe Cladach Ynys Môn

Co-chomharran: 53°08′05″N 4°24′53″W / 53.13483°N 4.41470°W / 53.13483; -4.41470

Slighe Cladach Ynys Môn
Soidhnichean na slighe
Fad	124 mìle (200 km)
Àite	Ynys Môn, a' Chuimrigh
Tòiseachadh	Caergybi
Crìochnachadh	Caergybi
Cleachdadh	Coiseachd
Ìre	Furasta
Ràith	Fad na Bliadhna

'S e frith-rathad astair ann an ceann a tuath na Cuimrigh a th' ann an Slighe Cladach Ynys Môn (Cuimris: Llwybr Arfordirol Ynys Môn; Beurla: Anglesey Coastal Path, gu oifigeil "the Isle of Anglesey Coastal Path").^[1] Tha an cas-cheum mu 124 mìle (200 km) de dh'fhaid agus a' leantainn iomall-fairge Ynys Môn. Chaidh an cas-cheum fhosgladh ann an 2006. Tha e na phàirt de Shlighe Costa na Cuimrigh, cas-cheum mu 870 mìle (1,400 km) de dh'fhaid bho Cas-gwent (Beurla: Chepstow) ann an ceann a deas gu Y Fferi Isaf (Beurla: Queensferry) ann an ceann a thuath na Cuimrigh.^[2]

An t-Slighe

Tha an cas-cheum a' leantainn iomall-fairge an eilein air fad ach ann an dà àite, ann an oighreachd Plas Newydd agus aig inbhir Afon Alaw eadar Llanfachraeth is Llanynghenedl.^[1] 'S e slighe cearcallach a th' ann a bhios a' tòiseachadh is a' crìochnachadh ann an Caergybi. Anns na leabhraichean-iùil gheibhear stiùireadh tuathal na slighe. Chosg e mu £1.4 millean an t-slighe a thogail. Tha i a' dol tro Area of Outstanding Natural Beauty, roinn a ghabhas a-steach mu 95% de chosta an eilein.^[3] Mar sin tha i stèidhichte gu ìre mhòir air na slighean poblach a bh' ann roimhe sin. Fhuaireadh cead bho chuid den na h-uachdaranan cuideachd coiseachd tron fhearann prìobhaideach aca. Tha soidhnichean an rathaid air feadh na slighe. Tha an cas-cheum a' dol tro chruthan-tìre eadar-dhealaichte, leithid fearann-tuathanais, monaidhean le blàir-fhraoich, dùin-ghainmhich, creigean, làthach sàile is coilltean beaga. ^[3] Tha a' chuid as motha den frith-rathad furasta airson coiseachd, air an t-slighe air fad bidh 13,695 troigh (4,174m) uile gu lèir de rathaidean-dìridh is teàrnaidhean ann.^[3] Mar as trice bidh e a' toirt eadar 7 is 10 làithean gus coiseachd timcheall air a' chas-cheum air fad, ged tha feadhainn ann a rinn sin ann an ceithir làithean.

Chaidh an t-slighe a chruthachadh ann an co-bhonn le Menter Môn, buidheann na coimhearsnachd, agus Ùghdarras ionadail Ynys Môn. Fhuair iad maoin bhon Aonadh Eòrpach, gus gnìomhachasan foise is roinn turasachd a leasachadh. Chaidh an cas-cheum fhosgladh gu oifigeil 9 an t-Ògmhios 2006 le Rhodri Morgan.

Slighean ceangailte

Tha slighean beaga chun na dùthcha ann a tha ceangailte ri Slighe Cladach Ynys Môn:

Slighe chearcallach Mynydd Mechell - 'S e cas-cheum furasta a th' ann, mu 3 mìle (5 km) de dh'fhaid agus bidh e a' toirt timcheall air 2 uair a thìde airson coiseachd. Tha e a' tòiseachadh aig Jerusalem Chapel ann am Mynydd Mechell (SH360899).
Slighe chearcallach Copper Coast - Tha an cas-cheum seo a' tòiseachadh is a' crìochnachadh ann an Amlwch Port (SH452936). Tha e a' leantainn seachad air taigh-solais Point Lynas agus tro Pharys Mountain. Tha e mu 14 mìle (22 km) de dh'fhaid agus bidh e a' toirt timcheall air 6 uair a thìde airson coiseachd.^[4]
Ynys Llanddwyn - Air a' chas-cheum seo thèid an luchd-coiseachd seachad air cuid de na tràighean as bòidhche an eilean. Tha e a' tòiseachadh aig pàirc-chàraichean SH415649 agus tha e mu 1.4 mìle (2.3 km) de dh'fhaid. Tha an t-eilean Ynys Llanddwyn (Beurla: Llanddwyn Island) na phàirt den Tèarmainn Nàdair Nàiseanta Newborough Warren. 'S e eilean-tràghaidh a th' ann an Ynys Llanddwyn agus mar sin feumar a bhith mothachail ma bhios am muir a' lìonadh.

Àitichean eile air an t-slighe

Caergybi

Biwmares

Slighe Cladach Ynys Môn

Ma choisichear an t-slighe gu tuathal le a bhith a' tòiseachadh ann an Caergybi thèid an luchd-coiseachd seachad air na h-àitichean inntinneach a leanas:

Port-mara Caergybi, am baile as motha ann an Ynys Môn
Taigh-solais South Stack
Porth Dafarch
Trearddur
Rhoscolyn
Rhosneigr
Barclodiad y Gawres, cill à Linn Ùr na Cloiche
Eaglais an eilein ann an Llangwyfan
Aberffraw
Llangadwaladr, eaglais is àite-adhlaic Cadfan ap Iago
Ynys Llanddwyn
Llanidan, àite-breith Thomas Williams
Britannia Bridge
Swellies
Church Island
Menai Suspension Bridge, cruthaichte le Thomas Telford
Menai Bridge
Llandegfan

Biwmares
Penmon agus Puffin Island
Traeth Coch (Red Wharf Bay)
Benllech
Moelfre
Carragh-chuimhne long-bhriseadh "Royal Charter"
Dulas Bay
Amlwch
Bull Bay
Llanbadrig, eaglais
Cemaes
Wylfa Nuclear Power Station
Cemlyn Bay
Carmel Head
Church Bay
Llanfachraeth
Llanynghenedl
Stanley Embankment a chaidh a thogail le Thomas Telford
Penrhos Country Park
Caergybi

Iomraidhean

↑ ^1.0 ^1.1 Rogers, Carl [2005] (2010): Walking the Isle of Anglesey Coastal Path. Frodsham: Mara Books. ISBN 978-1-902512-15-0.
↑ BBC News Wales - All-Wales coast path nears completion. A tarraing air 2.1.2012
↑ ^3.0 ^3.1 ^3.2 "Isle of Anglesey Coastal Path". Retrieved 9.6.2014. {{cite web}}: Check date values in: |accessdate= (help) (Beurla)
↑ "Copper Coast Circular". Ynys Mon Ramblers. Ramblers Association. Retrieved 13. 8. 2013. {{cite web}}: Check date values in: |accessdate= (help)

Ceanglaichean a-mach

Làrach-lìn oifigeil, le mapaichean (Cuimris; Beurla)
Anglesey Walking Festival (Beurla)

[rogers-1] 1.0 ^1.1 Rogers, Carl [2005] (2010): Walking the Isle of Anglesey Coastal Path. Frodsham: Mara Books. ISBN 978-1-902512-15-0.

[BBCNews20111017-2] BBC News Wales - All-Wales coast path nears completion. A tarraing air 2.1.2012

[Isle-3] 3.0 ^3.1 ^3.2 "Isle of Anglesey Coastal Path". Retrieved 9.6.2014. {{cite web}}: Check date values in: |accessdate= (help) (Beurla)

[Copper_Coast-4] "Copper Coast Circular". Ynys Mon Ramblers. Ramblers Association. Retrieved 13. 8. 2013. {{cite web}}: Check date values in: |accessdate= (help)

[1]

[2]

[3]

[4]