Scrabble

'S e geama bùird a tha ann an Scrabble. Thathar a chluich air bòrd ceàrnagach 15 le 15 raointean agus 's e amas a' gheama faclan a chur sìos air a' bhòrd agus sgòr àrd fhaighinn gus buaidh a thoirt.

'S ann aig Hasbro, Inc. 's a tha còraichean air a' gheama sna Stàitean Aonaichte agus Canada agus aig Mattel sa chorr dhen t-saoghal.

Eachraidh

Chaidh a dh'innleadh le fear Alfred Mosher Butts ann an 1938, stèidhichte air geama eile air a bheil Lexiko.

Gàidhlig

Chan eil Scrabble ri fhaighinn mar gheama-bùird ach tha e ri làimh mar gheama coimpiutair fon ainm Scrabble3D.