Otto von Bismarck

O Uicipeid
Gearr leum gu: seòladh, lorg
Otto von Bismarck
BismarckArbeitszimmer1886.jpg
Guth
ball Reichstag Impireachd na Gearmailte


ball Taigh Pruiseanach nam Morairean


Bundeskanzler (Co-bhanntachd Taobh a Tuath na Gearmailte)

1867 - 1870
Seannsalair na Gearmailte

21 dhen Mhàrt 1871 - 20 dhen Mhàrt 1890
← no value - Leo von Caprivi
Seannsalair impireil

21 dhen Mhàrt 1871 - 20 dhen Mhàrt 1890 - Leo von Caprivi
Ceann-suidhe ministear na Pruise

9 dhen t-Samhain 1873 - 20 dhen Mhàrt 1890
Albrecht von Roon
Beatha
Breith Schönhausen, 1 dhen Ghiblean 1815
Dùthaich  Impireachd na Gearmailte
Rìoghachd na Pruise
 A' Phruis
Ciad chànan Gearmailtis
Bàs Friedrichsruh, 30 dhen Iuchar 1898
Àite-adhlacaidh Taigh-adhlacaidh Bismarck
Nàdar a’ bhàis adhbharan nàdarra
Teaghlach
Cèile Johanna von Puttkamer
Clann
Bràithrean ⁊ peathraichean
Fine Taigh Bismarck
Foghlam
Foghlam Oilthigh Göttingen
Oilthigh Friedrich-Wilhelm
Cànain Gearmailtis
Beurla
Fraingis
Dreuchd
Dreuchd neach-poileataigs, dioplomat, lagh-eòlaiche agus stàitire
Àitichean-obrach Berlin, Friedrichsruh agus Warcino
Obraichean comharraichte Gedanken und Erinnerungen
Duaisean a fhuaras
Ballrachd Corps Hannovera Göttingen
Acadamh nan Saidheansan Feumail
Seirbheis san arm
Strì Cogadh na Frainge 's na Pruise
Creideamh
Creideamh Pròstanachas
Pàrtaidh poileataigeach Pàrtaidh Glèidhteachail na Gearmailte
Otto vonBismarck Signature.svg

B’ e neach poileataics Gearmailteach a bha ann an Otto Eduard Leopold von Bismarck-Schönhausen anns an 19mh linn.[1] Tha e iomraiteach ann an Aonachadh na Gearmailt (Gearmailtis: Deutsche Reichsgründung). Is e sin gum b' esan a dh' innlich cruthachadh Stàit na Gearmailt mar a tha i an-diugh. Nuair a chaidh ìmpireachd na Gearmailt a stèidheachadh, b' esan a' chiad seansalair.

Rugadh Otto von Bismarck-Schönhausen san 1 an Giblean 1815 ann an Schönhausen, faisg air Stendal,[2] ann an Sagsainn-Anhalt; chaidh àrach ann am Pommern anns A’ Phrùis. Thug e a-mach ceum ann an eòlas-lagha ann am Berlin. An toiseach, bha e ag obair san Àiteachas air an tuathanas aige ann an Schönhausen, ach chaidh e an sàs ann an saoghal nam poileataics ann an 1848. B' e prìomh-mhinistear na Prùisia a bh' ann bho 1862 gu 1890.[3] Chaidh aig Bismarck air na stàitean beaga neo-eisimeilean ann an taobh tuath na Gearmailt a chur ri chèile, a' cruthachadh Co-chaidreamh Gearmailt a Tuath (Gearmailtis: Norddeutscher Bund) agus a' Phruis mar an stàit a bu chudthromaiche.

Rinn e cumhnantan os ìseal leis na stàitean beaga ann an taobh a deas na Gearmailt cuideachd. Bhuannaich a' Phruis ann an Cogadh na Frainge' s na Pruis (18701871), agus bhris iad cumhachd na Frainge anns an Roinn Eòrpa. An dèidh sin, dh'aonaich Co-chaidreamh Gearmailt a Tuath agus stàitean beaga eile ri chèile gus Impireachd na Gearmailt (1871-1918) (sa Bheurla: German Empire, `sa Ghearmailtis: Deutsches Kaiserreich) a stèidheachadh leis a' Phruis mar phrìomh stàit. Bha Uilleam I na ceusair agus bha Bismarck na chiad seansalair (1871 - 1890).

Am broinn Àrd-Rioghachd na Gearmailt chuir e pòsadh catharra, àrachas-slàinte, àrachas-tubaist agus àrachas-peinnsean air bhonn.[4] A thaobh poileasaidhean cèin, chùm e na stàitean Eòrpach ann an deagh chothrom poileataigeach Ann an 1847 phòs e Johanna von Puttkamer agus bha dithis mhac aca, Herbert agus Uilleam.

Eadar 1862 agus 1888 bha Bismarck ag obair còmhla ri Uilleam I.[5] Ach, ann an 1888, thàinig an Ceusair Uilleam II gu cumhachd, fear a bha 40 bliadhna na b' òige na Bismarck. Mar bu dual dha, bha beachdan ùra agus dòighean eile aig Uilleam II. Mar sin dheth, chaill Bismarck an dreuchd aige ann an 1890, o chionn’s gun do dh’iarr e air an ìmpire, Uilleam II, na dleastanasan poileataigeach aige a choileanadh na aonar.

Chaochail Bismarck 30 an t-Iuchar 1898 ann an Friedrichsruh faisg air Hamburg. Chaidh adhlachadh ann an-sin cuideachd.[1]

Ceangal a-muigh[deasaich | deasaich an tùs]

Iomraidhean[deasaich | deasaich an tùs]

  1. 1.0 1.1 NNDB
  2. Planet Wissen
  3. Spartacus
  4. SSA
  5. Preussen