Mariquita (Tolima)

O Uicipeid
Jump to navigation Jump to search
Mariquita
Flag of Mariquita (Tolima).svg Escudo de Mariquita.svg
Bratach a' bhaile Gearradh-arm
no Seula
Mapa a' bhaile
Colombia - Tolima - Mariquita.svg
Sealladh air a' bhaile
Iglesia de la Ermita. Mariquita-Tolima. A Pulido-Villamarín..JPG
Suidheachadh
Dùthaich Flag of Colombia.svg Coloimbia
Roinn Flag of Tolima.svg Tolima
Àirde 495m
Co-chomharran 05° 11' 54' Tuath
74° 53' 37' Iar
Feartan fiosaigeach
Farsaingeachd 379.52 km²
Àireamh-shluaigh 32,933 (2005)
Dlùths 86.78/km²
Duilleag oifigeil Comhairle a’ Bhaile

‘S e baile meadhanach faisg air Honda ann an Tolima, Coloimbia,[1] a th’ann am Mariquita (ainm slàn: San Sebastián de Mariquita). Tha e suidhichte aig 495m os cionn ìre na mara 118km air falbh bho Bhogotá[2] agus 120km bho Ibagué, prìomh-bhaile na roinne. 'S e baile le cìomaid gu math teth a th’ ann agus tha teodhachd mheadhanach mu 26.1˚ aige, rè na bliadhna.[3] Chaidh am baile a stèidheachadh ann an 1551.

Eachdraidh[deasaich | deasaich an tùs]

B' e Pantágoras, Panches, Marquetones, Panchiguas, Lumbies, Chapaimas, Palamoimas, Hondas, Gualíes agus Bocanemes na treubhan Tùsanach a bh' ann an seo mus do ràinig na Spàinntich: tha beul-aithris na sgìre ag ràdh gu robh mu 30,000 cathaich uile gu lèir. Chaidh am baile a th' ann a-nis a stèidheachadh air 28 an Lùnastal 1551 le Francisco Núñez Pedroso.[4] B' e na mèinnean (airgead agus òr) a chumadh eaconomaidh na sgìre a' dol fad linntean. Chaidh prìomh oifisean Triabhall Luibh-eòlasach Rìoghail, fo stiùireadh José Celestino Mutis, stèidhichte ann am Mariquita ann an 1788.[5] Ghairm anRoinn Mariquita a chuid neo-eisimeileachd 1812, ach b' e Honda a bh' ann a prìomh-àite. Chaidh an stàit bheag sin a roinneadh ann an trì sgìre na bu lugha ann an 1824: Mariquita, Honda, Ibagué agus La Palma. Thug an tubaiste a thachair ann an Armero - dìreach 32km air falbh bhon bhaile - buaidh gu math làidir air Mariquita.

Sluagh a' bhaile[deasaich | deasaich an tùs]

Tha 23,529 nan tàmh anns a' bhaile fa leth, ach tha 32,933 duine a’ fuireach san sgìre air fad, a' toirt a-steach nan sgìrean dùthchasail am broinn crìochan a' bhaile.[6] Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.[7] Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail. Taobh chinnidh, 's e daoine geala agus mestizos a th'ann a' mhòr-chuid nan daoine ann am Mariquita. Tha 3.5% dhuibh aig a bheil freumhan ann an Afraga agus 0.2% dhe Tùsanci. 'S urrainn dhan 89.2% nan daoine ann am Mariquita leughadh agus sgrìobhadh. A thuilleadh air sin, chan eil fòn aig an taigh aig ach 31.3% nan dachannan.[8]

Fèisean[deasaich | deasaich an tùs]

Thathar a’ cumail am iomadach seòrsa dhe fhèis ann am Mariquita. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,[9] fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.

Clachain[deasaich | deasaich an tùs]

  • Albania
  • Alto Rico
  • Borde de Medina
  • Camelias
  • Carrizales
  • Cerro Gordo
  • El Cariaño
  • El Caucho
  • El Hatillo
  • El Mercado
  • El Pomo
  • El Porvenir
  • El Rano
  • El Rodeo
  • El Silencio
  • Fatima
  • Flor Azul
  • Guacas
  • La Cabaña
  • La Guardia
  • La Mesa
  • La Parroquia
  • Las Lomas
  • Las Marias
  • Mal Paso
  • Malabar Alto
  • Malabar Bajo Puerto Negro
  • Orita
  • Pantano Grande
  • Piedras Negras
  • Pitalito
  • Pueblo Nuevo
  • Quebrada Honda
  • San Andres
  • San Antonio
  • San Diego Alto
  • San Diego Bajo
  • San Geronimo
  • San Juan
  • Todo Santos

Ceanglaichean A-mach[deasaich | deasaich an tùs]

An t-sìde ann am Mariquita

Iomraidhean[deasaich | deasaich an tùs]

  1. Dùthchannan aig SMO
  2. Las Distancias
  3. Climate Data
  4. Banrepcultural
  5. Arcadia
  6. Figearan Oifis a' Chunntas-sluaigh
  7. Colombia Virtual
  8. Bileag fhiosrachaidh DANE
  9. Country Studies: Colombia