Lochan na h-Achlaise

O Uicipeid
Jump to navigation Jump to search

Co-chomharran: 56°35′36″N 4°45′01″W / 56.593331°N 4.750409°W / 56.593331; -4.750409

Sealladh bhon rathad air Lochan na h-Achlaise. Air a chùlaibh tha Loch Buidhe ri fhaicinn anns a' mheadhan agus Lochan na Stainge air an làimh dheas
Suidheachadh
Suidheachadh
Lochan na h-Achlaise
Suidheachadh Lochan na h-Achlaise air a' Ghàidhealtachd

'S e loch ann an Alba a tha ann an Lochan na h-Achlaise neo Lochan na-Hachlich.[1] Tha e suidhichte ann am Mòinteach Raineach air a' Ghàidhealtachd. Tha Loch Bà san àird a tuath dheth agus Lochan na Stainge is Loch Buidhe san iar-tuath.

Tha an loch mu 0.8 mìle (1.28 km) a dh'fhad agus tha an leud aige beagan nas lugha na 0,75 mìle (1.2 km) aig an àite as leathainne. Tha cumadh gu math neo-chothromach aige. San fharsaingeachd tha e mu 580 slat (531 m) a leud. Tha Lochan na h-Achlaise cho mòr ri 183 acair agus tha an àrainn drèanaidh aige cho mòr ri beagan nas motha na mìle ceàrnagach (2.59 km²). 'S e 9.5 troigh (2.89 m) an domhainneachd mheadhanach aige le 28 troigh (8.5 m) aig an àite as doimhne.[1]

Tha bàrr uisge an locha mu 771 troigh (235 meatair) os cionn na mara. Tha torr eileanan mòra is beaga ann an Lochan na h-Achlaise. Sruthaidh an t-uisge a-mach às an loch seo chun an ear-thuath tro allt fo dhrochaid A82 do Loch Bà.

Tha an A82 a' dol seachad air taobh an ear an locha.

Iomraidhean[deasaich | deasaich an tùs]

  1. 1.0 1.1 Murray, Sir John and Pullar, Laurence (1910) Bathymetrical Survey of the Fresh-Water Lochs of Scotland, 1897-1909. "Lochs of the Tay Basin", td 61-62, Iom-leabhar II, Pàirt I. Leabharlann Nàiseanta na h-Alba.

Ceanglaichean a-mach[deasaich | deasaich an tùs]

Commons-logo.svg
Tha dealbhan ann an Wikimedia Commons cuideachd a tha ceangailte ris an aiste seo: