Iomairt airson Dì-armachadh Niùclasach

O Uicipeid
Jump to navigation Jump to search
An samhla CND, a dhealbhaich Gerald Holtom ann ann 1958. Tha e a-nis ’na samhla airson sìth air feadh an t-Saoghail.[1]
Bàta-aigeil Trident

Chaidh an Iomairt airson Dì-armachadh Niùclasach (Beurla: Campaign for Nuclear Disarmament - CND) a stéidheachadh sa bhliadhna 1957.

Bho 1959 gu 1965, gach deireadh seachdain Càisge, chuir i air dòigh caismeachd ollmhór bhon Atomic Weapons Establishment faisg air Aldermaston gu ruige Ceàrnag Trafalgar ann an Lunnainn.

Anns a’ Chéitean 2014 chlàraich CND Alba ris an Electoral Commission mar bhuidheann a tha ag imirt airson neo-eisimileachd na h-Albann anns an Referendum.[2], oir bha iad a’ meas gur e an roghainn sin as motha a bhrosnachadh cùis na dì-armachd niùclasach. Air a shon sin, dh’ aithnich a’ bhuidhnean gun robh adhbharan aig cuid de na buill aca airson an roghainn eile a dhèanamh, agus thuirt iad gum biodh iad a’ leantainn orra a’ co-obrachadh ri gach partaidh poileataigeach.

Anns an dàn Sgreapadal chuir am bàrd Somhairle MacGill-Eain gu làidir an aghaidh armachd niùclasach.

  1. BBC NEWS : Magazine : World's best-known protest symbol turns 50”. Ann an: BBC News, 20mh dhen Mhàrt 2008. Air a thogail 25mh dhen Chèitean 2008. 
  2. http://www.banthebomb.org/images/stories/pdfs/registration.pdf

Ceanglaichean a-mach[deasaich | deasaich an tùs]