Inbhir Snàthaid

O Uicipeid
Taigh-òsta ann an Inbhir Snàthaid
Uamh Rob Ruadh

'S e baile ann an Comhairle Shruighlea a tha ann an Inbhir Snàthaid (Beurla: Inversnaid). [1]

Tha am baile suidhichte air bruach an ear Loch Laomainn air ceann tuath an locha. 'S e seo na co-chomharran aige: 56° 15′ 0″ Tuath agus 4° 41′ 0″ Iar.

Tha aiseagan a’ ruith eadar Inbhir Snàthaid agus Inbhir Dhughlais, am baile mu choinneamh an locha.

Tha taigh-òsta ann a chaidh a thogail ann an 1790 mar thaigh-geata airson an Diùc Montrose .[2]

Faisg air a' bhaile tha uamh far an robh Rob Ruadh a' falachadh. An-diugh canar Rob Roy's Cave ris. Chan eil e furasta ri lorg ach tha soidhne ris na creagan a tha a' sealltainn far a bheil e.

Tha Slighe na Gàidhealtachd an Iar, frith-rathad astair eadar Glaschu agus an Gearasdan, a' dol tron bhaile.

Iomraidhean[deasaich | deasaich an tùs]

  1. Iain Mac an Tailleir, "Ainmean-Àite", duilleag 67, Pàrlamaid na h-Alba
  2. Dealbhan Inbhir Snàthaid

Ceanglaichean a-mach[deasaich | deasaich an tùs]

  • Iomraidhean nam mapaichean airson comharradh-clèithe: NN337088