Iain MacLachlainn (An Lighiche)

O Uicipeid
Jump to navigation Jump to search
Iain MacLachlainn (An Lighiche)
Beatha
Breith Rathuaithe, 1804
Dùthaich  Alba
Bàs Tobar Mhoire, 1874
Foghlam
Foghlam Oilthigh Ghlaschu Eòlas-leighis
Cànain Gàidhlig
Dreuchd
Dreuchd sgrìobhadair
Gnè ealain bàrdachd

B' e bàrd Gàidhlig a bh' ann an Iain MacLachlainn (1804-1874) (‘An Lighiche’ no ‘An Dotair Ruadh’; Beurla: Dr John MacLachlan).

A Bheatha[deasaich | deasaich an tùs]

Rugadh e ann an 1804 ann an Rathuaithe sa Mhorbhairne. Fhuair e foghlam ann an Oilthigh Ghlaschu agus dh'ionnsaich e dreuchd na dotaireachd. Bha e ag obair fad greis mar lighiche ann an Glaschu, ach a' mhòr-chuid de bheatha air ais anns a' Mhorbhairne, far an do rugadh agus thogadh e. A rèir choltais, 's e dotair gu math dìcheallach a bh' ann, air an robh spèis mhòr aig muinntir an àite. Cha robh a bheatha pearsanta furasta, ge-tà: fhuair e gealladh pòsaidh dà uair, ach chaochail gach boireannach ro na bainnsean. Bhàsaich Iain fhèin ann an Tobair Mhoire, Muile, ann an 1874.

Sgrìobh Somhairle MacGill-Eain an dàn mu a dheidhinn, "An Dotair MacLachlainn", agus nochd an dàn seo ann an leabhar Caoir Gheal Leumraich. Tha MacGill-Eain a' toirt iomradh air Iain MacLachlainn ann an aiste "The Poetry of the Clearances" (Ris a' Bhruthaich, Steòrnabhagh: Acair, 1985).

A Bhàrdachd[deasaich | deasaich an tùs]

Sgrìobh An Lighiche MacLachlainn iomadh òran binn gaoil agus tha feadhainn air an seinn fhathast san latha an-diugh, ach a rèir MacGill-Eain, 's ann mar bhàrd nam Fuadaichean a bha e as cudromaiche.[1]

Iomraidhean[deasaich | deasaich an tùs]

  1. Somhairle MacGill-Eain, "The Poetry of the Clearances", Ris a' Bhruthaich (Steòrnabhagh: Acair, 1997) d. 56-59.

Ceanglaichean a-muigh[deasaich | deasaich an tùs]