Cáceres (provincia)
Cáceres
| |||||
.svg)
| |||||
| |||||
| Suidheachadh | |||||
| Dùthaich | An Spàinn | ||||
| Prìomh-bhaile | Cáceres | ||||
| Stèidhichte | 1833 | ||||
| Feartan fiosaigeach | |||||
| Farsaingeachd | 19,868 km² | ||||
| Àireamh-shluaigh | 415,446 (2014) | ||||
| Dlùths | 20.91/km² | ||||
| Àireamh fòn | + (927) | ||||
| Duilleag oifigeil | Riaghaltas na Roinne | ||||
'S e provincia na Spàinne a tha ann an Cáceres (IPA: kaθeɾes, Estremeñu: Caçris). Tha e na laighe ann an Extremadura, ann an ceann a deas na dùthcha. 'S e Cáceres a tha na phrìomh-bhaile. Chaidh an roinn a chruthachadh ann an 1833 le Javier de Burgos, a bha na Rùnaire na Stàite agus Leasachaidh aig an àm.[1] B' e an siostam-riaghalaidh iondail na Frainge a chleachd e mar mhodal. Chuireadh a-steach na Coimhearsnachd fèin-riaghlaidh Andalusia i ann an 1978, nuair a sgrìobhadh Bun-reachd ùr.[2] Sìnidh Cáceres fad 19,868km²[3] agus tha 415,446 duine a' fuireach ann.[4] Le sin, 's e an dàrna roinn as motha na Spàinne a thaobh talmhainn agus an 34mh a thaobh àireimh-sluaigh. Tha crìochain aice le Ávila, Badajoz, Ciudad Real, Salamanca, Toledo agus A' Phortagail.[5] 'S e Fala agus Spàinntis a tha gam bruidhinn an seo.
Freumhan an ainm
[deasaich | deasaich an tùs]Tha luchd-rannsachaidh dhen bheachd gur ann à castrum/castris (Gàidhlig: campa) ann an Laideann a tha an t-ainm, o chionn's gu robh camp an airm ann fo na Ròmanaich. 'S e facal a tha co'dhàimheil le caer sa Chuimris agus cathair sa Ghàidhlig. Tha cuid eile a' cumail gur ann à Caesaria (Gàidhlig: Áite a' Cheusair). Thathar dhen bheachd gu robh bailtean air an robh Colonia Norbensis Caesarina agus Castra Caecilia san sgìre. A dh'aindeoin sin, tha teòiridh eile ann a chanas gur e dìreach facal air Choireigin ann an Laideann air arabachadh gu Cazires. Mar a b’àbhaist san Spàinn, b’ e dìreach ainm a’ bhaile a bu motha sa sgìre a chuireadh air an roinn.