Tarragona

O Uicipeid
Tarragona
Bratach a' bhaile Gearradh-arm
no Seula
Suidheachadh
Dùthaich An Spàinn
Ceàrn Tarragona
Sgìre Catalòinia
Co-chomharran 41° 06' 56 Tuath
01° 14' Ear
Feartan fiosaigeach
Farsaingeachd 62.35 km²
Àireamh-shluaigh 140,323 (2008)
Dlùths 2,250.57/km²
Àireamh fòn + 34 977
Duilleag oifigeil Duilleag Oifigeil

‘S e baile mòr agus port cudromach air an àirde an ear-thuath na Spàinne a th’ ann Tarragona (IPA: tərə'ɣonə). Tha Tarragona suidhichte ri beulaibh na Mara Mheadhanach, aig 56m os cionn ìre na mara,[1] aig inbhir na h-aibhne Francolí.[2] Tha Tarragona 552km air falbh bho Mhadrid, prìomh-bhaile na Spàinne, agus 100km bho Bharcelona, am baile as motha agus prìomh-bhaile Chatalòinia.[3] Tha 140,323 daoine a’ fuireach ann an Tarragona,[4] an 6mh baile as motha ann an Catalòinia agus an 46mh baile na Spàinne.[5] A bharrachd air sin, ‘s e prìomh-bhaile na Roinne Tarragona a th’ann Tarragona cuideachd.

Freumhan an ainm[deasaich | deasaich an tùs]

‘S ann gu math connspaideach ‘s a tha Freumh-fhaclachd an àite seo. Tha beul-aithris na sgìre ag ràdh gur ann à Tarraho, mac Tubal anns a' Bhìobal a tha an t-ainm ach chan eil duine sam bi a' gabhail ri sin a-nis. Bha Strabo dhen bheachd gun d' fhuair am baile ainm rìgh na h-Èipheit, air an robh Taharqa.[6] A dh'aindeoin nan teòiridhean seo, tha e coltach gur ann à Tarqon (Gàidhlig: Dùn) ann am Foinìsis a tha e. Tha cruth na tìre a' gabhail ri sin leis gu bheil dùn nàdarra ann far a bheil Tarragona. Chaidh sin atharrachadh gu Tarraco no Arce Potens Tarraco ann an Laideann nuair a bha an sgìre fo bhuaidh nan Ròmanach.[7]

Eachdraidh[deasaich | deasaich an tùs]

Chuireadh ainm a’ bhaile air an roinn nuair a chaidh a stèidheachadh ann an 1833.[8]

Cruinn-eòlas[deasaich | deasaich an tùs]

A rèir figearan an Riaghlatais, 's e an Lùnastal a' mhìos as teotha agus 's e am Faoilleach a' mhìos as fhuaire ann an Tarragona.[9] Cha thuit ach 560mm de dh'uisge air a' bhaile fad na bliadhna - 613mm nas lugha na Steòrnabhagh (1173mm)[10] - leis gur e àite gu math tioram a th' ann.

Bailtean Co-cheangailte[deasaich | deasaich an tùs]

Iomraidhean[deasaich | deasaich an tùs]

  1. Mongabay
  2. Riu Francolí
  3. Distance Calculator
  4. Cunntas-sluaigh na Spàinne
  5. Bailtean na Cruinne
  6. Medieval Mediterranean Ports: The Catalan and Tuscan Coasts, 1100 to 1235, Orvietani Busch S., BRILL, ISBN 90-04-12069-6.
  7. Auson. Class. Urb. 9; cf. Mart. x. 104
  8. Ethnoterritorial Concurrence and Imperfect Federalism in Spain
  9. Climate Data
  10. Oifis na Sìde

Ceanglaichean A-mach[deasaich | deasaich an tùs]