Marc Parrot
| Marc Parrot | |
|---|---|
 | |
|
Guth | |
| Beatha | |
| Breith | Barcelona, 14 dhen Chèitean 1967 |
| Dùthaich |
 Na Dùthchannan Catalanach |
| Teaghlach | |
| Cèile |
Eva Armisén (en)  |
| Foghlam | |
| Cànain |
Catalanais Spàinntis |
| Dreuchd | |
| Dreuchd | saothraiche chlàran, ceòl-sgrìobhaiche agus neach-ciùil |
| IMDb | nm1688480 |
| marcparrot.com agus marcparrot.com | |
'S e sgrìobhaiche ciùil, craoladair agus seinneadair Catalanach a th’ann Marc Parrot Rufias. Rugadh e ann am Barcelona, Catalòinia, An Spàinn, air 14mh an Cèitean 1967.
Beatha ann an Saoghal a’ Chiùil
[deasaich | deasaich an tùs]Thug e a’ chiad cheum aige ann an Saoghal a’ Chiùil ann an 1990 leis a’ chòmhlan-chiùil Regreso a las minas, (Spàinntis: Tilleadh dha na Mhèinean) le Julián Ruiz na riochdaire. An uair sin dh’fhoillsich e dà dhiosg na aonar, is iad Sólo para locos (Airson daoine craicte a-mhàin) ann an 1993 agus Sólo para niños (Airson clann a-mhàin) ann an 1995. Chlàraich e an treas diosg aige, Cocinero ann an 1998, ach cha robh an diosg sin ga reic nuair a rinn e e, is cha do deach òrain a’ phròiseact sin fhoillseachadh. Bha e aig obair còmhla ris a’ chompanaidh ciùil Warner Music aig an àm sin.
Dh’fhàs e gu math ainmeil air feadh na dùthcha nuair a rinn e caractar air prògram Deireadh na Bliadhna air Telebhisean Chatalòinia (Catalanais: Televisió de Catalunya), a dhèanadh dreachan pearsanta dhe seann òrain Spàinnteach. Mar sin thoisich am pròiseact ris an canar El chaval de la peca (Spàinntis: Balach a’ Buill-dòrain), agus dh’fhoillsich e a’ chiad dhiosg aige fon ainm sin ann an 1998.
Bha a’ chiad òran singilte aige, deach ùr dhen òran "Libre" (Saor) a rinn Nino Bravo o shean, uabhasach soirbheachail. ‘S e òran mòr-chòrdte an t-Samhraidh a bh’ ann is chleachd an companaidh fònaichean-làimhe Amena e nuair e thoisich iad an gnothach. Rinn òran neo dhà eile aig an alter ego sin anns na charts, agus dh’fhoillsich e 3 diosgaichean fon ainm sin, gus a cho-dhùin Marc a chur às a’ charactar ann an 1999. Rinn e cuirm-chiùil mar shòraidh slàn is thuirt e gun do dh’fhalbh e gu Miami airson a bhith a’ leantainn mar Mharc Parrot. Mar a thuirt e dha na meadhanan:
Nise, tha e air a bhith mar gum falbhadh fìor dheagh charaid bhon a chuir mi gu cùl ris. ‘S e caractar gu math èibhinn a bh’ ann is fhuair sinn mòran fhealla-dhà còmhla. Ach, ge-tà, chaidh e air falbh gus àite a leigeil airson luchd-ciùil eile mar mise fhìn cuideachd, leis cho deònach ’s a bha sinn. Bha esan anns gach uile àite. [1]
Ann an 2001 chuir Marc Parrot diosg ùr air dòigh leis an airgead a fhuair e bhon Chaval de la Peca. ’S e Rompecabezas (Tòimhseachan) an t-ainm a bh’ air agus bha e na riochdaire còmhla ri Robin Hancock. Aig an aon àm bha e an sàs a’ togail agus a’ cur air bhog an stiùideo aige, air a bheil Grabaciones Silvestres (Clàraidhean na Coilltean). Tha e air a bhith an sàs mar riochdaire is e a’ clàradh diosgaichean na daoine eile bhon àm sin.
Nuair a chaidh an cùmhnant aige le Warner Music gu crìoch, Thagh Marc an companaidh neo-eisimeileach PIAS, far an do chlàraich e an diosg Dos maletas (Dà mhàileid) ann an 2002. An ceann greiseag dh’fhoillsich e dà dhiosg ann an Catalanais, Mentider (Breugadair) ann an 2005 agus Interfèrencia (Riasladh) ann an 2007. Tha e dìreach air diosg ùr dà-chànanach, Avions (Pleànaichean), a dh'fhoillseachadh ann an 2009. Nochd an t-òran ainmeil Ulleres per veure-hi malament (Speuclairean son ga fhaicinn gu dona) air a' chlàr sin. Thoir e a’ mhòr-chuid dhe na cuirm-chiùil agus tursan aige ann an Catalòinia fhèin a-nis. Tha e ag obair fhathast mar cheòladair, sgrìobhaiche òrain agus riochdaire ciùil.
Diosgaichean
[deasaich | deasaich an tùs]Fon ainm Regreso a las minas
[deasaich | deasaich an tùs]- Regreso a las minas (ann an Spàinntis) (1990)
Fon ainm Marc Parrot
[deasaich | deasaich an tùs]- Sólo para locos (1993) (ann an Spàinntis) le Warner Music
- Sólo para niños'(1995) le Warner Music
- Cocinero' (airson a bhith ga fhoillseachadh ann an 1998, ach chuir soirbheachas El Chaval de la Peca dàil air) (ann an Spàinntis)
- Rompecabezas (2001) (ann an Spàinntis) le Warner Music
- Dos maletas (2004) (ann an Spàinntis) le PIAS
- Mentider (2005) (a’ chiad dhiosg aige sa chatalanais) le PIAS
- Interferència (2007) (an darna diosg aige sa chatalanais) le PIAS
- Avions (2009) (diosg dà-chànanach Spàinntis-Catalanais) le PIAS
Fon ainm El Chaval de la Peca
[deasaich | deasaich an tùs]- Artista Internacional (1999) le Warner Music
- Grandes éxitos (1999) le Warner Music
- In person (1999) le Warner Music
Rud neo dhà inntinneach
[deasaich | deasaich an tùs]- Tha stiùideo ciùil aig Marc Parrot fhèin, Grabaciones Silvestres, ann am baile beag ris an canar Sant Quirze Safaja ann an sgìre Barcelona.
- Tha Marc Perrot air iomadh phìos chiùil a sgrìobhadh airson prògraman telebhisein, (mar eisimpleir Malalts de tele neo Club Super 3), tòrr dhaibh air TV3 ann an Catalonia. A-nis, tha e cuideachd na chraoladair air a' phrògram ciùil Casal Rock[2] air an telebhisean ann an Catalòinia.
Iomraidhean
[deasaich | deasaich an tùs]- ↑ El Mundo, 6 an t-Iuchar 2001 (Spàinntis)
- ↑ Casal Rock, TV-3 (Catalanais)
Ceanglaichean A-mach
[deasaich | deasaich an tùs]- Làrach-lìn oifigeil (Catalanais/Spàinntis)
- Làrach-lìn an Stiùideo aige (Beurla/Catalanais/Spàinntis)