Jane Austen

Jane Austen
Beatha
Ainm slàn	Jane Austen
Breith	Steventon (en) , 16 dhen Dùbhlachd 1775
Dùthaich	Rìoghachd Aonaichte na Breatainne Mòire agus Èireann ; Rìoghachd na Breatainne Mòire
Ciad chànan	Beurla
Bàs	Winchester (en) , 18 dhen Iuchar 1817
Àite-adhlacaidh	Winchester Cathedral (en)
Nàdar a’ bhàis	adhbharan nàdarra (Addison's disease (en) )
Teaghlach
Athair	George Austen
Màthair	Cassandra Austen
Cèile	no value
Bràithrean ⁊ peathraichean	liosta Edward Austen Knight (en) ; Francis Austen (mul) ; Cassandra Austen (en) ; Charles Austen (mul) ; George Austen (en) ; Henry Thomas Austen (en) ; James Austen;
Fine	Jane Austen's family and ancestry (en)
Foghlam
Foghlam	Bournemouth University (en) ; Reading Abbey Girls' School (en) ; (1785 - 1786)
Cànain	Beurla
Dreuchd
Dreuchd	sgrìobhadair, sgrìobhadair sgeulachdan goirid agus nobhailiche
Àitichean-obrach	Sasainn
Obraichean comharraichte	Pride and Prejudice (en) ; Emma (en) ; Persuasion (en) ; Sense and Sensibility (en) ; Mansfield Park (en) ; Northanger Abbey (en)
Gluasad	fìorachas
Gnè ealain	ur-sgeulan romansach; Gothic literature (en)
Creideamh
Creideamh	Anglachas
IMDb	nm0000807

Bha Jane Austen (16 an Dùbhlachd 1775–18 an t-Iuchar 1817) 'na sgrìobhadair Sasannach a sgrìobh nobhailean romansach mu na h-uachdaranan agus na teaghlaichean aca. Bhuannaich iad cliù dhi mar aon de na sgrìobhadairean a b' ainmeile anns a Bheurla. B' e am fìorachas, an t-ìoranas làidir, is an aithris shòisealta aice a bhuannaich dhi an t-àite eachdraidheil seo, a-rèir barail sgoilearan is bhreithnichean. Dh’fhuirich Austen fad a beatha mar phàirt de theaghlach a bha gu math dlùth. B’ e uachdaranan a bh’ annta, ach cha b' e teaghlach beartach no neartmhor a bh’ ann.

Fhuair i foghlam bho a h-athair is a bràithrean na b' aosta, agus barrachd air sàilleibh ’s gun do leugh i mòran. Bha taic dhìleas bhon teaghlach aice air leth cudromach dhi 'na leasachadh mar sgrìobhadair proifeiseanta. Mhair a preantasachd mar sgrìobhadair bho na bha i 'na deugair gus an robh i seachad air trithead bliadhna a dh’aois. Rè an ama sin, dh’fheuch i diofar cruthan litreachais. Thòisich i epistolary novel (nobhail tro litrichean/leabhar-latha), ach thug i thairis an nobhail seo. An uair sin, sgrìobh i is dh’ath-sgrùd i trì nobhailean cudromach is thòisich i air a’ cheathramh tè. Eadar 1811 is 1816 chaidh Sense and Sensibility (1811) Pride and Prejudice (1813), Mansfield Park (1814) is Emma (1816) fhoillseachadh, agus dh’fhàs i soirbheachail 'na sgrìobhadair. Sgrìobh i dà nobhail a’ bharrachd, Northanger Abbey is Persuasion, agus chaidh an dà dhiubh fhoillseachadh às dèidh a bàs. Thòisich i nobhail eile ach chaochail i mus do chuir i crìoch oirre.

Tha nobhailean Austen 'nan eisimpleirean de na nobhailean bhon dàrna leth an ochdamh linn deug ris an canar novels of sensibility (nobhailean maoth-inntinneach). Bha nobhailean Austen 'nam pàirt de leasachadh na nobhail fìor-riochdail air an robh an naoidheamh linn deug ainmeil. 'S e plotan èibhinn a th’ anns na leabhraichean aice, ach bhruidhneadh iad cuideachd mu eisimeileachd nam boireannach air a’ phòsadh airson cliù is teachd a-steach. Bha na leabhraichean aice fèill-mhor mar as trice, ach chaidh iad am foillseachadh gun a h-ainm. Cha robh i fhèin ainmeil agus cha d’fhuair i ach beagan lèirmheasan matha fhad 's a bha i fhathast beò. Chaidh leabhar le ogha aice, A Memoir of Jane Austen, fhoillseachadh ann an 1869 agus air sgàth seo dh’fhàs daoine san fharsaingeachd eòlach oirre. Rinn tòrr dhaoine rannsachadh acadaimigeach ma deidhinn anns an dàrna leth den naoidheamh linn deug agus a-nis tha iomadh neach-leantainn aig Jane Austen.