Envigado

Envigado


Bratach a' bhaile	Gearradh-arm no Seula

Mapa a' bhaile

Sealladh air a' bhaile

[[Faidhle: |300px]]

Suidheachadh

Dùthaich

Coloimbia

Roinn

Antioquia

Sgìre

Valle de Aburrá (A' Ghleann Aburrá)

Àirde

1575m

Co-chomharran

6° 09' Tuath
75° 36' Iar

Feartan fiosaigeach

Farsaingeachd

50 km²

Àireamh-shluaigh

174,108 (2005)

Dlùths

3,482.16/km²

Duilleag oifigeil

www.envigado.gov.co

Tha Envigado na bhaile-mòr anns a' Ghleann Aburrá, Antioquia,^[1] Coloimbia. Tha e dìreach ri taobh Medellín, prìomh-bhaile na roinne. 'S e fear dhe na deich bailtean-mòra anns a' Cheàrn Cathaireil a' Mhedellín a th' ann an Envigado. Tha àireamh-shluaigh dhe 174,108 aige. 'S e Envigado an 27mh baile as motha na dùthcha.^[2] Chaidh am baile a steidheachadh ann an 1775.

Tha club ball-coise aige, an Envigado F.C.

Freumhan an Ainm

Thathar ag ràdh gur ann às an fhacal Spàinntis Envigado (crann ga dhèanamh airson togalach a thogail)^[3] bho viga (crann) bhon fhacal Laideann biga a thàinig am facal Envigado,^[4] seadh o chionn 's gu robh drochaid fhiodha an seo o shin, seadh leis gur e àite làn coilltean a bh'ann.^[5]

Sluagh a' bhaile

Ged a tha 174,108 nan tàmh anns a' bhaile, chan eil ach 8,688 dhuibh a' fuireach anns na sgìrean dùthchasail am broinn crìochan a' bhaile.^[6] Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.^[7] Air adhbharan trioblaidean poilitigeach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail. 'S e am baile leis an dlùths taobh àireimh-sluaigh as motha anns an dùthaich.

Taobh chinnidh, ' s e daoine geala a th' ann a' mhòr-chuid dhe na daoine ann an Envigado (is mòran dhuibh mestizos), chan eil Tùsanaich ann ach tha 3% dhe daoine le freumhan ann an Afraga. ' S urrainn dhan 95% dhe na daoine ann an Envigado leughadh agus sgrìobhadh. A tuilleadh air sin, tha fòn aig an taigh aig 97.4% dhe na dachannan.^[8]

Fèisean

Thathar a’ cumail am iomadach seòrsa dhe fhèis ann an Envigado. Chithear fèilltean caitligeach, leis gur e dùthaich le mòr-chuid Chaitligeach a th' ann fhathast,^[9] fèisean na stàite agus tachartasan ionadail a sheallas cho làidir ‘s tha beairteas cultarail na dùthcha.

Fèis an Neo-eisimeileachd: 20mh An t-Iuchar.
Fèis Neo-eisimeileachd na roinne: 11mh an Lùnasdal.

Daoine Ainmeil

Débora Arango Pérez (1907-2005), Dealbhadair.

Pablo Escobar (1949-1993), Ceannard na buidhne eucoireach a bu mhotha san t-saoghal.

Fernando González Ochoa (1895-1964),Feallsanaiche agus ùghdair.

Miguel Uribe Restrepo (1792-1841), Feallsanaiche agus Neach-poileataigs.

Iomraidhean

Ceanglaichean A-mach

Tha dealbhan ann an Wikimedia Commons cuideachd a tha ceangailte ris an aiste seo:

Envigado

[1] Mapa oifigeil na roinne^{[dead link]}

[2] Bailtean as motha na dùthcha

[3] Real Academia de la Lengua

[4] Real Academia de la Lengua

[5] Oilthigh Antioquia

[6] Figearan Oifis a' Chunntas-sluaigh

[7] Cololmbia Virtual

[8] Bileag fhiosrachaidh DANE

[9] Country Studies: Colombia

[1]

[2]

[3]

[4]

[5]

[6]

[7]

[8]

[9]