Derek Bickerton
Rugadh Derek Bickerton air 25 am Màrt 1926 agus 's e cànanaiche agus bha e na ollamh aig Oilthigh Hawaii. Tha e den bheachd gum faighear toraidhean luachmhor air tùsan cànain ma choimheadar air cànanan creole. Le sin coimheadaidh e air cànan aig daoine fa-leth agus cànan mar chomharradh mhic an duine. Rinn e rannsachadh air cànanan creòle ann an Guyana agus Hawaii. Is esan a chruthaich am prìomh-phàirt den bhun-bheachd bioprogram cànain. Their am bun-bheachd seo gu bheil cànanan creòle coltach ri a chèile air sgàth 's gun tèid an cruthachadh bho pidgin le clann aig a bheil an aon chomas gràmair coiteann daonna (universal human innate grammar capacity) a tha san inntinn bho thùs.[1]
Fhuair e ceum aig Oilthigh Chambridge ann an 1949, agus thòisich e dreuchd mar òraidiche ann an litreachas Beurla aig Oilthigh Cape Coast ann an Gàna. Rinn e rannsachadh for-cheum ann an cànanachas aig Oilthigh Leeds, agus dh'fhàs e na òraidiche ann an cànanachas aig Oilthigh Ghuiana (1967-71). Bha e na Ollamh cànanachais fad 24 bliadhna aig Oilthigh Hawaii, às dèidh dha Ph.D fhaighinn bho Oilthigh Chambridge ann an 1976.
Anns an leabhar aige Roots of Language (1981) smaoinichidh e air bun-bheachd a fhreagaireas trì ceistean:
- Ciamar a thòisich cànanan creòle?
- Ciamar a thogas clann cànan?
- Ciamar a thòisich comas cànain mar chomharra mhic an duine?
Anns an leabhar Language and Species (1990), canaidh e gum faodar freagairt a lorg ris na ceistean seo le bhith ag agairt gu bheil tùsan cànain a' laighe ann am mean-fhàs de shiostaman shanasan agus smaoineachadh samhlach còmhla ri leasachadh syntax foirmeil na b' fhadalaiche.
Leabhraichean[deasaich | deasaich an tùs]
- Tropicana, A Novel. (1963)
- Dynamics Of A Creole System (1975)
- Bickerton, Derek (1981): Roots of Language. Karoma Publishers. ISBN 0-89720-044-6.
- Bickerton, Derek, (1984). The language bioprogram hypothesis, ann an: Behavioral and Brain Sciences, 7, 173-221.
- Bickerton, Derek (1990): Language and Species. University of Chicago Press. ISBN 0-226-04610-9.
- Language and Human Behavior, 1995
- Lingua ex Machina: Reconciling Darwin and Chomsky with the Human Brain, 2000 (còmhla ri William H. Calvin)
- Bickerton, Derek (2008): Bastard Tongues. Hill and Wang. ISBN 0809028174.
Tùsan[deasaich | deasaich an tùs]
- ↑ Erard, Michael: “Walking the Talk”. Ann an: The New York Times, 30mh dhen Mhàrt 2008.
