OpenOffice.org

O Uicipeid
Gearr leum gu: seòladh, lorg
Suaicheantas OpenOffice

'S e sreath de phrògraman oifis a tha ann an OpenOffice.org (no OpenOffice leis fhèin) a tha stèidhichte air còd fosgailte. Tha comas air sgrìobhainnean teacsa, cliath-dhuilleagan, taisbeanaidhean, grafaigean is stòir-dhàta a chruthachadh agus tha e ag obair air a' chuid as motha dhe na siostaman-obrach, a' gabhail a-steach Windows, Mac OSX agus Linux.

Eachdraidh[deasaich | edit source]

Rugadh OpenOffice mar StarOffice, sreath de phrògraman a chaidh a dhealbhadh le StarDivision aig Sun Microsystems ann an 1999. Chaidh an còd a leigeil mu sgaoil san Iuchar 2000 's iad ag amas air smachd Microsoft Office a lughdachadh 's iad a' toirt ri làimh roghainn eile a tha saor an-asgaidh. Nuair a cheannaich Oracle Sun ann an 2010, sguir iad de thaic mhalairteach a chumail ris a' phròiseact agus thug iad am pròiseact dhan Apache Software Foundation.[1][2]

Dh'èirich deasbad eadar a' choimhearsnachd agus Oracle mus do thachair sin agus stèidhich cuid dhen choimhearsnachd LibreOffice ri linn sin ann an 2011.

Cànain[deasaich | edit source]

Tha OpenOffice ri fhaighinn ann an iomadh cànan, barrachd air 120 dhiubh ann an 2011. Chaidh a' chiad tionndadh Gàidhlig a sgaoileadh ann an 2004 as dèidh do LTS agus Riaghaltas na h-Alba maoineachadh a thoirt seachad airson eadar-theangachadh ach sguireadh dhen leasachadh aig tionndadh 3.0.1 san Fhaoilleach 2009.[3]

Faic cuideachd[deasaich | edit source]

Tùsan[deasaich | edit source]

  1. http://arstechnica.com/open-source/news/2011/04/oracle-gives-up-on-ooo-after-community-forks-the-project.ars
  2. http://www.marketwire.com/press-release/statements-on-openofficeorg-contribution-to-apache-nasdaq-orcl-1521400.htm
  3. http://gd.openoffice.org/

Ceanglaichean dhan taobh a-muigh[deasaich | edit source]