Bun Ilidh

O Uicipeid
Gearr leum gu: seòladh, lorg
Fèis ann am Port Bhun Ilidh

Is e baile ann an Cataibh an Ear a tha ann am Bun Ilidh[1] (Beurla: Helmsdale). Chaidh am baile a stèidheachadh leis na Lochlannaich aig inbhir Abhainn Ilidh (Beurla: River Helmsdale).

Anns an 19mh linn b’ e baile iasgach a bha ann. Thàinig e gu bith mar thoradh fuadaichean Chataibh. A rèir an Old Statistical Account[2] chaidh am baile a thogail ann an 1816 às dèidh Goillspidh agus Brùra gus àite-fuirich agus cothroman cosnaidh a chruthachadh do na daoine às na sgìrean a bha air am fuadachadh.

Chaidh am port a thogail ann an 1818. B’ àbhaist aon de na cabhlaichean as motha anns an Roinn Eòrpa a bhith an seo . B’ e sgadan an t-iasg a bu chudthromaiche a chaidh a glacadh an seo.

Tha ionad-dualchais ann ris an canar: Timespan Heritage Centre. [3] Tha taisbeanadh ann mu eachdraidh a’ bhaile agus rudan a rinn an luchd-ealain às an àite fhèin. Cuideachd tha fiosrachadh ann mun “gold rush” ann an 1869. S' urrainnear òr a lorg fhathast ann am Baile an Or faisg air Bun Ilidh.

Iomraidhean[deasaich | deasaich an tùs]

  1. Stòr-dàta SMO
  2. Old Statistical Account
  3. “Iùil cuairtean Cultarach nan Roinnean Eòrpach”; Neach-foillseachaidh: Buidhne Stéidhichte airson Turasachd an AER”, foillsichte aig MACULART, S. A. , Barcelona, 1995, ISBN 8487722199

Ceanglaichean a-mach[deasaich | deasaich an tùs]