Vera Lynn

Vera Lynn
Beatha
Ainm slàn	Vera Margaret Welch
Breith	East Ham (en) , 20 dhen Mhàrt 1917
Dùthaich	Rìoghachd Aonaichte
Ciad chànan	Beurla
Bàs	Ditchling (en) , 18 dhen Ògmhios 2020
Àite-adhlacaidh	The Parish Church of St Margaret, Ditchling (en)
Foghlam
Foghlam	Brampton Primary School (en)
Cànain	Beurla
Dreuchd
Dreuchd	actair film, seinneadair, seinneadair is sgrìobhaiche, fèin-bheatha-eachdraiche, recording artist (en) , actair agus lyricist (en)
Duaisean a fhuaras	liosta Dame Commander of the Order of the British Empire War Medal 1939–1945 Burma Star Officer of the Order of Saint John  (1997) Companion of Honour  (2016) Commander of the Order of Orange-Nassau  (1977) Classic Brit Awards
Gnè ealain	ceòl fèillmhor
Inneal-ciùil	guth
Taigh-clàraidh	EMI (en) His Master's Voice (en) Decca Records (mul) London Recordings (en)
IMDb	nm0528822

'S e seinneadair a th’ ann am Vera Lynn (1917-2020) is bha an far-ainm The Forces' Sweetheart (leannan nam feachd) oirre anns an Dàrna Cogadh. Nuair a ruig i ceud bliadhna a dh’aois ann an 2017, chaidh a co-là breith a chomharradh nuair an deach dealbh a h-aodann ’s i òg a cruthachadh le solais air Bearradh Geal Dover air an oidhche sin.

Beatha na h-òigridh

Rugadh i ann an 1917 ann an East Ham, Lunnainn an Ear, 20 dhen Màirt 1917 is bha an t-ainm Vera Margaret Welch oirre. Thòisich i a’ seinn air an àrd-ùrlar nuair a bha i seachd bliadhna a dh’aois. Sheinn i air ann rèidio a chiad thuras ann an 1935. Thagh i an t-ainm “Lynn” airson an obair aice na seinneadair proifeiseanta.

Obair

Anns an Dàrna Cogadh bha prògram rèidio is bha i a’ craoladh airson an armailt Breatannach a bha a’ sabaid thall thairis. Rinn i tòrr turasan thall thairis cuideachd airson a bhith a’ seinn air an làrach airson an fheachd Bhreatannaich.

Bha tòrr dhaoine measail oirre air feadh a’ chùrsa-obrach aice. Bha i anns na “charts” gu tric.

Tha “We’ll Meet Again”, “The White Cliffs of Dover”, “A Nightingale Sang in Berkeley Square” agus “There’ll Always be an England” am measg nan òrain aice as ainmeile.

Thàinig CD ùr a-mach ann am Màirt 2017 le cuid de na h-òrain aice, trì là ron a co-là breith, agus dòchas ann gum briseadh e clàr nan curaidh airson an duine as sinne (fhathast beò) aig a bheil albam am measg an fhichead albam as motha reic. Agus cò aig a bhiodh an clàr a bhiodh i a’ briseadh ach aig Vera Lynn fhèin. Bhuannaich i an clàr seo, a’ chiad thuras, ann an 2014 leis an albam “National Treasure – Ultimate Collection”. Bha i 97 bliadhna a dh’aois aig an àm sin.

Thuirt i gum b’ fhearr leotha cuimhnicheadh an guth aice nuair a bha i òg. Ach, thuirt i cuideachd gu bheil i glè thoilichte 100 bliadhna a dh’aois a ruigsinn agus gur e 'an incredible adventure of song, dance and friendship' a th' ann.

Chaochail i ann an 2020 is i 103 bliadhna a dh'aois.