Nyköping

Nyköping


	Gearradh-arm no Seula

Suidheachadh

Dùthaich

An t-Suain

Ceàrn

Södermanland

Sgìre

Södermanlands län

Co-chomharran

58° 45 10′ Tuath
17° 00 31′ Ear

Feartan fiosaigeach

Farsaingeachd

13.43 km²

Àireamh-shluaigh

29,891 (2010)

Dlùths

2,225.69/km²

Àireamh fòn

(+46) 0155

Duilleag oifigeil

http://www.nykoping.se/

‘S e baile meadhanach agus port faisg air Östersund ann an ceann a deas na Suaine a th’ ann an Nyköping (IPA: nyːˈɕœpɪŋ). Tha e suidhichte ann an tairbeart eadar Loch Glan agus Loch-uisge Bråviken, ri taobh na Mara Bhaltaich eadar Norrköping agus Stockholm, anns an sgìre Södermanlands län,^[1] 396km air falbh bho Helsingborg, 128km bho Uppsala agus 317km bho Ghöteborg. Tha 29,891 duine a' fuireach ann.^[2] Chaidh am baile a stèidheachadh ann an 1178.

Freumhan an ainm[deasaich | deasaich an tùs]

Tha e coltach gur ann à dà fhacal ann an Suainis: nya (ùr) agus köping (margaidh) a tha an t-ainm.^[3] Bheireadh sin An Fhèill Ùr dhuinn sa Ghàidhlig an latha an-diugh. 'S e co-dhàimh leis a' Bheurla chipping/shopping agus a' Ghearmailtis kaufen a th' ann.

Eachdraidh[deasaich | deasaich an tùs]

Thachair A' Bhangaid Nyköping (Suainis: Nyköpings gästabud) an seo ann an 1317. Chuir an rìgh ionadail Birger fiathachadh dha bhràthairean. Chuir e san toll-dubh iad agus chaochail iad leis an ocras.^[4] Fhuair am baile a chuid chòirichean a thaobh chìsean agus malairt ann an 1440. Rinn teintean sgrios agus milleadh air Nyköping ann an 1665 agus Feachd na Ruise an aon rud ann an 1709. Bha taigh-gnìomhachais SAAB ann an Nyköping fad bliadhnaichean, mus do dhùnadh e ann an 1987. Chaill corr is 2,000 duine an dreuchdan.^[5] Thogadh bunait Feachdan an Adhair aig àm an Dàrna Cogaidh agus bha sgoil nam paidhleat aig Brandholmen bho 1963 gu ruige 1985. Dhùnadh a' bhunait ann an 1980 agus 's e port-adhair sìobhalta a th' ann an latha an-diugh, air a bheil Skavsta.^[6]