Kirsteen NicDhòmhnaill
| Kirsteen NicDhòmhnaill | |
|---|---|
| Beatha | |
| Breith | Inbhir Nis, 18 dhen Dùbhlachd 1983 |
| Dùthaich |
 Alba |
| Foghlam | |
| Foghlam |
Acadamh Allt a' Mhuilinn Sabhal Mòr Ostaig |
| Cànain | Beurla |
| Dreuchd | |
| Dreuchd | neach-naidheachd |
| Fastaichean | BBC Scotland |
Tha Kirsteen NicDhòmhnaill (18 Dùbhlachd 1983) na craoladair sa Ghàidhlig.
Tha i a' toirt seachad an t-sìde air An Là. Tha i à Inbhir Nis agus ghabh i pàirt ann am Mòd Nàiseanta Rìoghail sa bhliadhna 2006 agus 2008 far an do bhuannaich i Buinn Òir.
Eachdraidh a Beatha[deasaich | deasaich an tùs]
Rugadh Kirsteen NicDhòmhnaill air 18 Dùbhlachd 1983 agus thogadh i ann an Inbhir Nis. Bha a màthair, Marjorie Nic a' Phearsain, à Polnish, Loch Àilleart ann an sgìre Mhùideart agus 's ann à Baile Eilidh a tha a h-athair, Tommy MacDhòmhnaill.
Chaidh i gu Bun-sgoil a' Mheadhain ann an Inbhir Nis far an d' fhuair i foghlam tro mheadhan na Gàidhlig, agus an uair sin gu Àrd-sgoil Allt na Muilne. Cha robh facal Gàidhlig anns an dachaigh ged a bha Gàidhlig aig athair a màthar.
Seinn[deasaich | deasaich an tùs]
Bhrosnaich an tidsear aice, Lisa Storey, ri bhith seinn ann an co-fharpaisean nam Mòdan Ionadail agus Nàiseanta. Ann an Àrd-sgoil Allt na Muilne, 's i Seònaid NicGriogair a chuidich i le òrain a' Mhòid agus òrain a sheinneadh i aig cèilidhean agus cuirmean.
Rinn i BA (le Urram) ann an Cànan agus Cultair na Gàidhlig aig Sabhal Mòr Ostaig anns an Eilean Sgitheanach. Fhad 's a bha i aig Sabhal Mòr b' i Cairistìona Primrose a bha ga cuideachadh agus a' toirt comhairle dhith a thaobh òran.
Bhuannaich Kirsteen Bonn Òir a' Chomuinn Ghàidhealaich ann an 2006 aig Mòd Dhùn Omhain le cuideachadh a' deasachadh bho Cheana Chaimbeul. Fhuair i an Bonn Òir airson seinn san t-Seann Nòs ann an 2008 anns an Eaglais Bhric, agus Bonn Òir Tìm an Òbain ann an 2009 aig Mòd an Òbain. Tha i cuideachd na ball de Cheòlraidh Ghàidhlig Ghlaschu.
Craoladh[deasaich | deasaich an tùs]
Thòisich e air prògram na cloinne Dè a-nis?. Bha i an uair sin na neach-naidheachd aig BBC Radio nan Gàidheal. Tha i a-nise a' toirt seachad naidheachdan na h-aimsir air an telebhisean air BBC Alba agus do Reporting Scotland an-dràsta is a-rithist.
Iomraidhean[deasaich | deasaich an tùs]
- Eachdraidh-beatha aig Bliadhna nan Òran, BBC.