Uilleam III Shasainn is II Alba

Uilleam III Shasainn is II Alba

• Rugadh: 1650, san Olainds.

• De theaghlach rìogail Duitseach (Taigh Orange-Nassau). 'S e ogha Theàrlaich I, Rìgh Shasainn is Alba a bh' ann cuideachd.

• Bha e na Phrionnsa Orange bho rugadh e

• Bha e na phròstanach eudmhor.

• An 1677, phòs e Màiri, an nighean a bu shine aig Rìgh Seumas VII is II.

• An 1688, thugadh fiathachadh dha le còmhlan de mhòr-uaislean Shasainn e thighinn a-nall a bhith na rìgh an àite Sheumais.

• Rinn e sin, anns an "Ar-a-mach Glòrmhoir".

• Chaidh a chrùnadh na Rìgh (Uilleam III) Shasainn is Èirinn air 13mh Gearran 1689, agus chaidh a ghairm na Rìgh (Uilleam II) Alba air 11mh Giblean 1689, ann an co-bhonn le bhean, a' Bhan-rìgh Màiri.

• Rìaghlaich e bho 1689 gu a bhàs air 8mh Mairt 1702. Cha do thadhail e air Alba a-riamh.

• Cha robh sliochd aig Uilleam is Màiri, mar sin shealbhaich Anne, an nighean a b'òige le Seumas, na trì rìoghachdan (Sasainn, Alba is Èirinn).