Pedro Nel Ospina Vásquez

Pedro Nel Ospina Vásquez

B’e Pedro Nel Tomás de Villanueva Ospina Vázquez saighdear, fear-poileataigs agus innealadair à Coloimbia. Rugadh e ann am Bogotá 18 an t-Sultain 1858 agus chaochail e ann am Medellín 1 an t-Iuchar 1927. Bha na cheann-suidhe na dùthcha eadar 1922 agus 1926,airson a’ Phàrtaigh Thoraidh.

Teaghlach

‘S e mac an treas pòsaidh aig an t-seann cheann-suidhe Mariano Ospina a bh’ ann, is esan os cionn A’ Cho-chaidreachas Ghranada eadar 1857 agus 1861, agus Enriqueta Vázquez Jaramillo, piuthar Tulio agus Mariano Ospina Pérez; rugadh e anns an Lùchairt San Carlos (Lùchairt an Riaghaltais), fhad ’s a bha athair os cionn an Riaghaltais. Am dèidh gun do chuir Tomás Cipriano de Mosquera ruaig air Ospina anns a’ Chogadh Sìobhalta dhe 1861, is binn bàis cuideachd (B’ urrainn dhàsan a theiche le taic a mhnà nuair a bha e na phrìosanach ann an Cartagena), b’ fheudar dha theaghlach a dhol thall thairis air ann an caochladh dùthchannan dhe Aimearaga Mheadhanach, far an do chuireadh fàilte chridheil airsan mar "Churaidh a’ Chreidimh Chrìosdail".

Fhuair Pedro Nel a chuid fhoghlaim ri taobh a bhràithrean bhon a’ Chomainn Iosaid thall thairis. Bha e na chompanach sgoile ann an Guatamala dhe Muñoz. Dh’fhàs esan a bhith na àrd-sagart os cionn na miseanan ann an Coloimbia nuair a bha a Ospina na cheann-suidhe. Ged an do thilleadh an teaghlach gu Coloimbia bho àm gu àm, cha do dh’fhuirich iad san dùthaich aca fhèin nuair a bha Pedro Nel òg. Dh’ionnsaich e Innleadaireachd Shìobhalta anns na Stàitean Aonaichte is an uair sin rinn e tuilleadh chùrsaichan ann an Innleadaireachd mheatailt, Cheimeagach agus na mèinnean.

Tilleadh gu Coloimbia

Thill e dhan dùthaich ann an 1880 airson Sgoil Mèinnean na h-Antioquia a ghabhail os làimhe, còmhla ris a chuid bhràthrean (‘s iad innealadairean cuideachd). Bha e an sàs anns an obair sgoilearach agus a chuid ghnothaichean prìobhaideach rè faisg air dà dheichead. Chaidh e a-steach gu feachan Pàrtaidh nan Thòraidh airson a’ chogaidh shìobhalta dhe 1885, turas eile ann an 1895 agus mu dheireadh thall Cogadh na Mìle Làithean. Dh’fhàs e gun dhàil a bhith na sheanalair na Poblachd agus an uair sin na Rùnaire Oifis an t-Seanalair Marceliano Vélez.

Dreuchan

‘S e ball a’ Chomhdhail a bh’ann iomadh turas san 20mh Linn, a bharrachd air Riaghladair na h-Antioquia eadar 1918 agus 1920. Sheas e mar thagraiche a’ chinneas ann an 1922, air sgàth gun do chòrd obair an Riaghladair ris.

Ceann-suidhe na Dùthcha

Chuir e ruaig air ceannard nan Libearalach, Benjamín Herrera anns na taghaidhean. Fhuair Ospina 409,131 bhòtaichean is Herrera 246,647. A dh’aindeoin sin, thug e cuireadh dhuibh airson pàirt a ghabhail anns an Riaghaltas aige. Fhuair Coloimbia $25 millean dhe airgead dhìolaidh bho na Stàitean Aonaichte airson Panama a chall, nuair a bha e os cionn an Riaghaltais. Chaidh an t-suim sin a chleachdadh airson leasachadh làidir a dheànamh do bhunstructar na dùthcha.

Toraidhean

‘Se airgead a chur an seibh gu bunstructar na dùthcha a bh’ann a’ phrìomh amas aige. A bharrachd air sin, rinn e rudan cudromach eile, mar a leanas:

• ‘S e a’ chiadh cheann-suidhe, aig ìre na cruinne, a chleachd am pleàna airson tursan oifigeil a dheànamh, leis gu do rinn e turas-adhair eadar Puerto Berrío agus Girardot dìreach an dèidh na taghaidhean.
• Chaidh Banca na Iasdan Cho-àiteachail a chruthachadh (Spàinntis: Banco Agrícola Hipotecario).

Urras mar chuimhne airsan

Steidhich na duine chloinne aige, gu seach àraidh Luis Ospina Vásquez, an t-Urras Antioquianach airson Sgrùdaidh Shòisealta (Spàinntis: Fundación Antioqueña para los Estudios Sociales), le oifisean ann am Medellín: 'S e taic a thoirt dha na teaghlaichean bochda foghlam fhaighinn airson an cuid cloinne a th'ann prìomh amas an Urrais. Chuir iad Sgoil Saighdearach an t-Seanalair Pedro Nel Ospina (Spàinntis: Colegio Militar General Pedro Nel Ospina) air dòigh, ann an Chia cuideachd.

Iomraidhean

Cinn-suidhe Choloimbia

Simón Bolívar • Francisco de Paula Santander • Joaquín Mosquera • Rafael Urdaneta • Domingo Caycedo Santamaría • Jerónimo de Mendoza Galavís • José Ignacio de Márquez Barreto • Pedro Alcántara Herrán • Juan de Dios Aranzazu • Tomás Cipriano de Mosquera • Rufino Cuervo y Barreto • José Hilario López • José María Obando • José María Melo • Tomás Herrera  • José de Obaldía • Manuel María Mallarino • Mariano Ospina Rodríguez • Juan José Nieto Gil  • Bartolomé Calvo • Leonardo Canal González • Froilán Largacha • Manuel Murillo Toro • José María Rojas Garrido  • Santos Acosta Castillo Joaquín Riascos • Santos Gutiérrez Prieto • Eustorgio Salgar • Santiago Pérez de Manosalbas • Aquileo Parra Gómez • Manuel María Ramírez Fortoul  • Julián Trujillo Largacha • Rafael Núñez Moledo • Francisco Javier Zaldúa • Clímaco Calderón • José Eusebio Otálora • Ezequiel Hurtado • José María Campo Serrano • Eliseo Payán • Carlos Holguín Mallarino • Miguel Antonio Caro Tovar • Manuel Antonio Sanclemente • José Manuel Marroquín • Rafael Reyes • Diego Lemos • Jorge Holguín Jaramillo • Ramón González Valencia • Carlos E. Restrepo Restrepo • José Vicente Concha • Marco Fidel Suárez • Pedro Nel Ospina Vásquez • Miguel Abadía Méndez • Enrique Olaya Herrera • Alfonso López Pumarejo • Eduardo Santos • Darío Echandía Olaya • Alberto Lleras Camargo • Mariano Ospina Pérez • Laureano Gómez Castro • Roberto Urdaneta Arbeláez • Gustavo Rojas Pinilla • Gabriel París  • Guillermo León Valencia • Carlos Lleras Restrepo • Misael Pastrana Borrero • Alfonso López Michelsen • Julio César Turbay Ayala • Belisario Betancur Cuartas • Virgilio Barco Vargas • César Gaviria Trujillo • Ernesto Samper (1994–1998)  • Carlos Lemos Simmonds • Andrés Pastrana Arango (1998–2002)  • Álvaro Uribe (2002–2010)  • Juan Manuel Santos Calderón (2010–2018) • Iván Duque (2018–)