Schwäbisch Hall

Schwäbisch Hall
Baile
gun bhratach	Gearradh-arm
Àite-margaidh air an Nollaig
Schwäbisch Hall
49°6′44″N 9°44′15″E
Dùthaich	A' Ghearmailt
Stàit	Baden-Württemberg
Sgìre-rianachd	Stuttgart
Ceàrn	Schwäbisch Hall
Mèar (2021 –)	Daniel Bullinger
Farsaingeachd	104.19 km²
Àirde	304 m
Àireamh-shluaigh	427,243 (2023)
Dlùths	4,100.61/km²
Àireamh fòn	+49 (0) 791 +49 (0) 7907 +49 (0) 7977
Còd-puist	74523
Clàradh carbaid	SHA, CR
schwaebischhall.de

'S e baile Gearmailteach ann an stàit Bhaden-Württemberg a th' ann an Schwäbisch Hall (IPA: ˌʃvɛːbɪʃ ˈhal; neo dìreach Hall, an t-ainm oifigeil bho 1802 gu 1935). Tha am baile suidhichte ann an gleann Aibhinn Kocher, 37 km gu ear air Heilbronn agus aon 60 km gu ear-thuath air Stuttgart, prìomh-bhaile na stàite.

A dh'aindeoin na h-ainm air a' bhaile, tha Schwäbisch Hall na phàirt dhe sgìre Heilbronn-Fhrancòinia, a' phàirt as fhaide ear-thuath dhe Bhaden-Württemberg aig a tha Francòinis an Ear, agus i nas càirdiche dhan Bhaidheirn Fhrancòinis na dha sgìrean Bhaden, Württemberg, na h-Eilbheise, Swabia a' Bhaidheirn, Vorarlberg, Alsas agus Liechtenstein, far am bruidhnear Gearmailtis Alemannach.

'B e Baile Saor is Ìmpireil ann an Ìmpireachd Naomh na Ròimhe a bh' ann an Schwäbisch Hall airson aon leth-mhìle bliadhna gus an do ghlac Württemberg ann an 1802 e às dèidh Cogaidhean Napoleon.

Freumh-ainm

Tha deasbad fhathast ann mu dheidhinn màthair ainm a' bhaile. Bidh e ga ainmeachadh Schwäbisch ("Swabianach") air sgàth Lìge Swabianaiche, caidreachas an airm eadar iomad bhailtean is stàitean ìmpireil ann an ceann a deas na Gearmailte. Canar gun do thàinig "Hall" à facal Gearmailteach an Iar a' ciallachadh "rud a theasachadh airson a thiomarachadh". 'S fheudar gu bheil am facal seo a' toirt tarraing air an taigh-salainn anns a' bhaile far an cruinnichteadh is goilteadh uisge bhon Aibhinn Kocher airson salainn a dhèanamh.

Eachdraidh

Bha na Ceiltich air a bhith a' dèanamh salann dhe shùil-uisge saillte faisg air Aibhinn Kocher o chionn còigeamh linne RLC.

Fhuair am baile cliù poileataigeach agus eaconomach rè nam Meadhan-aoisean Anmoch agus na Nua-linn Thràith a chionn 's gun do thaobhaich air shùil-uisge saillte. Cha b' e ach Hall a bha a' buileachadh salann anns an sgìre, leis gum b' ann ann an Lorraine neo anns na h-Ailpeannan a bha na builichearan mòra as dlùithe suidhichte.

Bha Schwäbisch Hall na Bhaile Saor is Ìmpireil gus an do thug deireadh Cogaidhean Napoleon Cùmhant Lunéville gu teachd ann an 1801, a cheadaich Diùc Württemberg am baile a ghlacadh.

Linn Nàsach agus fo-ghlacadh nan SAA às dèidh an Dàrna Chogaidh Mhòir

Chaidh Hall ath-ainmeachadh air ais gu Schwäbisch Hall ann an 1934 airson air chor is nach tèidear iomrall le bailtean eile air a bheil an t-ainm Hall, mar eisimpleir Hall in Tirol, an Ostair.

Rè Kristallnacht an 9mh dhen t-Samhain 1938, loisg Nàsaich an àite an t-sionagog ann an Steinbach, a thuilleadh air na taighean agus na bùithtean shaoranaich Iùdhach air feadh a' bhaile. Chaidh campa-dùbhlachaidh a thogail faisg air stèisean-thrèanaichean Hall-Hessental.

Chaidh aon 40 saoranaich Iùdhaich am mortadh ann an campaichean-dìtheachaidh Nàsach anns an Roinn-Eòrpa an Ear.

Ghlac trùpan Arm nan Stàitean Aonaichte am baile ann an 1945 agus bha aonadan-iteanalachd Aimeirigeanach ann gus an do thill Schwäbisch Hall do smachd na Gearmailte ann an 1993.

Bailtean co-cheangailte

Tha Schwäbisch Hall co-cheangailte ri:

• Épinal, an Fhraing (1964)
• Loughborough, Sasainn (1966)
• Lappeenranta, Suòmaidh (1985)
• Neustrelitz, a' Ghearmailt (1988)
• Zamość, a' Phòlainn (1989)
• Balıkesir, an Tuirc (2006)
• Rasht, Ioràn (2016)