Alacant (provincia)

Alacant Gearradh-arm no Seula
Suidheachadh
Dùthaich	An Spàinn
Prìomh-bhaile	Alacant
Stèidhichte	1833
Feartan fiosaigeach
Farsaingeachd	5,817 km²
Àireamh-shluaigh	1,934,127 (2014)
Dlùths	332.5/km²
Àireamh fòn	+ (96)
Duilleag oifigeil	Riaghaltas na Roinne

'S e provincia na Spàinne a th' ann an Alacant (IPA: alaˈkant, Spàinntis: Alicante). Tha e na laighe ann an València, air an àirde an ear-dheas na dùthcha. 'S e Alacant a tha na phrìomh-bhaile. Chaidh an roinn a chruthachadh ann an 1833 le Javier de Burgos, a bha na Rùnaire na Stàite agus Leasachaidh aig an àm. B' e an siostam-riaghalaidh iondail na Frainge a chleachd e mar mhodal. Chuireadh a-steach na Coimhearsnachd fèin-riaghlaidh València i ann an 1978, nuair a sgrìobhadh Bun-reachd ùr. Sìnidh Alacant fad 5,817km² agus tha 1,934,127 duine a' fuireach ann. Le sin, 's e an 41mh roinn as motha na Spàinne a thaobh talmhainn agus an ceathramh tè a thaobh àireimh-sluaigh. Tha crìochain aice le Albacete, Murcia agus València. 'S e Spàinntis, Catalanais a tha gam bruidhinn an seo.

Freumhan an ainm

Tha cuid a luchd-rannsachaidh dhen bheachd gur ann à Ἂκρα Λευκῆ, (Akra Leukḗ) no Λευκῆ Ἂκρα, (Leukḗ Akra) (Gàidhlig: Rubh Geal) ann an Greugais a tha an t-ainm air sàilleabh gu robh baile Cartagach san sgìre o chionn fhada. Dh'atharrach na Ròmanaich an t-ainm gu Lucentum agus as an dèidh chaidh atharrachadh gu ألَلَقَنْت (Al- Laqant) ann an Arabais. 'S ann dìreach as an fhoirm seo a thàinig an t-ainm a thathar a' cleachdadh an latha an-diugh ann an Catalanais. Mar a b’àbhaist san Spàinn, b’ e dìreach ainm a’ bhaile a bu motha sa sgìre a chuireadh air an roinn.

Bailtean

• Alacant
• Benidorm