Passau

Passau
Båssa(u) (Meadhan-Bhaidhearnais)
Baile agus ceàrn bailteil
Bratach	Gearradh-arm
Seann-bhaile Phassau
Passau
Dùthaich	A' Ghearmailt
Stàit	A' Bhaidhearn
Sgìre-rianachd	A' Bhaidhearn Ìosal
Mèar (2020 –)	Jürgen Dupper
Farsaingeachd	69.56 km²
Àirde	294 m
Àireamh-shluaigh	54,401 (2023)
Dlùths	782.07/km²
Àireamh fòn	+49 (0) 851
Còd-puist	94001–94036
Clàradh carbaid	PA
passau.de

'S e baile Gearmailteach anns a' Bhaidhearn Ìosal a th' ann am Passau neo Pasabh (Meadhan-Bhaidhearnais: Båssa(u)). 'S e Dreiflüssestadt ("Baile Trì Aibhnichean") ainm eile a th' air a' bhaile.

Foghlam

'S e baile glè chudromach a th' ann am Passau a thaobh foghlaim roinneil. Tha ochd bun-sgoiltean stàite, aon sgoil phrìobhaideach is ionadan-taice airson bhun-sgoilearan air a tha ciorraman-ionnsachaidh anns a' bhaile, a thuilleadh air iomad àrd-sgoiltean.

Tha Oifig Biadh, Àiteachas is Coilltearachd Phassau a' maoineachadh sgoil-àiteachais far am bi cleachdaidhean-àiteachais so-sheasmhach gan teagasg do dh'oileanaich ionadail.

Oilthigh

'S e oileanaich aig Oilthigh Phassau a th' ann an tuilleadh 's a chòigeamh dhe dh'àireamh-sluaigh a' bhaile. Ged as esan oilthigh as òige na Baidheirn, leis gun do stèidheadh e ann an 1973, tha Oilthigh Phassau iomraiteach air sgàth na h-institiudan eaconomais, lagha, diadhaireachd, coimpiutaireachd is cultar-eòlais.

Stèidheadh Institiud Eòlas Caitligeach Oilthigh Phassau aig tùs na 17mh linne nuair a chaidh sgoil airson trèanadh phearsachan-eaglaise a cuir ri Gymnasium (sgoil-ghràmair) a stèidh Prionnsa-easbaig Leopold ann an 1612. Cuiridh an t-oilthigh fàilte air barrachd air 10,000 oileanach an-diugh thairis air 39 prògraman-ceuma fo-cheumnach 's iar-cheumnach.

Bailtean co-cheangailte

Tha Passau co-cheangailte ri:

• Hackensack, Deàrsaidh Nuadh, na Stàitean Aonaichte (1952)
• Cagnes-sur-Mer, an Fhraing (1973)
• Krems an der Donau, an Òstair (1974)
• Akita, Iapan (1984)
• Málaga, an Spàinne (1987)
• České Budějovice, an t-Seic (1993)
• Liuzhou, an t-Sìn (1999)
• Veszprém, an Ungair (1999)
• Montecchio Maggiora, an Eadailt (2003)

Daoine ainmeil

• Otto Phassau (marbh às dèidh 1383/86), sgrìobhaiche clèireachail
• Gottlieb Muffat (1690–1770), organaiche is ceòl-sgrìobhaiche
• Joseph Ferdinand Damberger (1795–1859), eachdraiche
• Joseph Maximilian von Maillinger (1820–1901), seanailear is miniatear-cogaidh
• Hans Fruhstorfer (1866–1922), taisgealaiche is eòlaiche mheanbh-fhrìdean
• Georg Philipp Wörlen (1886–1954), peantair
• Christian Rub (1886–1956), actair
• Adolf Hitler (1889−1945), deachdair na Gearmailte Nàsaiche, a' fuireach an seo còmhla ri a theaghlach eadar 1892 gu 1894
• Henry Gerber (1892−1972), neach-iomairt airson chòraichean gèidh anns na SAA
• Ludwig Schmidseder (1904–1971), ceòl-sgrìobhaiche is cluicheadair piàno
• Albert Ganzenmüller (1905–1996), neach-poileataigs Nàsach
• Alfred Dick (1927–2005), neach-poileataigs
• Nicolaus A. Huber (1939-), ceòl-sgrìobhaiche
• Heidi Schüller (1950-), lùth-chleasaiche
• Bruno Jonas (1952-), cleasaiche-cabaireit is actair
• Anna Rosmus (1960-), sgrìobhaiche is eachdraiche air a' Ghearmailt Nàsaich
• Andreas Seidl (1976-), ÀOG dhe Shauber Motorsport is seann-cheann-sgioba aig McLaren
• Andreas Scheuer (1974-), neach-poileataigs
• Florian Silbereisen (1981-), seinneadair is presantair-telebhisean
• Gisela Mashayekhi-Beer (gus 1983-), cuisleanach Ostaireach
• Michael Ammermüller (1986-), draibhear chàraichean-rèisidh