Iain MacRàth
| Iain MacRàth | |
|---|---|
| Beatha | |
| Breith | Na Hearadh, |
| Dùthaich |
 Alba |
| Foghlam | |
| Cànain |
Gàidhlig Beurla |
| Dreuchd | |
| Dreuchd | actair, actair telebhisein agus neach-teagaisg |
’S e cleasaiche proifeiseanta agus sgrìobhaiche dràma a tha ann an Iain MacRàth (Beurla: Iain MacRae).
Dràma[deasaich | deasaich an tùs]
Bidh e a tha ag obair sa Ghàidhlig agus sa Bheurla. Tha e air a bhith ’na chleasaiche proifeiseanta bho thoiseach nan 1980an, ann an dealbhan-cluiche, telebhisean, film agus rèidio. Am measg na rinn e, tha obair còmhla ri Teatar Nàiseanta na h-Alba, Communicado, Traverse, Teatar Mhuile, White Stag Forge, Watford Palace, Hull Remould, Tosg agus Teatar na h-Alba. Bha e anns na prògraman telebhisein Crowdie and Cream, Machair, Falach Fead, RanDan, River City, Case Histories agus Bannan.
Sgrìobhadh[deasaich | deasaich an tùs]
Mar sgrìobhaiche, fhuair e coimisean bho Phròiseact nan Ealan airson Taigh Sheonachain, a bha ’na phàirt de Gairm nan Gàidheal ann an 2014, obair chlùiteach a bha a’ cuimhneachadh a’ Chogaidh Mhóir. Sgrìobh e agus ghabh e pàirt ann am Fantom san Citizens Theatre san Dàmhair 2014. Choisinn e duais “Sgrìobhaiche Ùr Dràma Gàidhlig 2015” bho Playwrights’ Studio/Comhairle nan Leabhraichean. Bha e ’na stiùiriche san dràma Sequamur.
Ann an 2017, bhuannaich e Duais Dhòmhnaill Meek airson an dealbh-cluiche Taigh Sheonachain.[1]
Ceanglaichean a-mach[deasaich | deasaich an tùs]
- IMDB: Iain MacRae
- Iain MacRàth a’ bruidhinn mu bhith a’ cluich Tormod ann am Bannan (bhideo 5:48, 2015-09-16)
Iomraidhean[deasaich | deasaich an tùs]
- ↑ “Duaisean Dhòmhnaill Meek - Na Duaisean” (Gàidhlig). Comhairle nan Leabhraichean. Air a thogail 17mh dhen Dàmhair 2017.