Diùcachd Sagsainn-Hildburghausen

O Uicipeid
Jump to navigation Jump to search
Diùcachd Sagsainn-Hildburghausen
Herzogtum Sachsen-Hildburghausen
16801826
Flagge Herzogtum Sachsen-Coburg-Gotha (1826-1911).svg Blason Duché de Saxe-Hildbourghausen.svg
Bratach na dùthcha Lùireach
Mapa
Locator Duchy of Saxe-Hildburghausen (1680).svg
Fiosrachadh
Bliadhna Tòiseachaidh 1680
Bliadhna mu Dheireadh 1826
Prìomh-Bhaile Heldburg (ro 1684)
Hildburghausen (an dèidh 1684)
Càna(i)n Oifigeil Gearmailtis

B’ e dùthaich bheag ann an cridhe na Gearmailt a mhair bho 1680 gu ruige 1826 a bh’ anns an Diùcachd Sagsainn-Hildburghausen (Gearmailtis: Herzogtum Sachsen-Hildburghausen).[1] B’ e Heldburg a bh’ ann prìomh-bhaile na dùthcha ro 1684 agus an uair sin Hildburghausen gu ruige 1826. Chaidh an Diùcachd a chruthachadh ann an 1680 nuair a sgaradh oighreachdan an Diùc Ernst der Fromme[2] (Gàidhlig: Ernst Cràbhach) eadar a chuid mhic, an dèidh a bhàis.[3] B' ann làidir an aghaidh prìomh-ghineadas a bh' ann an seann diùc agus cha robh stèidh laghail ann a thaobh phrionnsabal còirichean a' phrìomh-ghineadais anns A' Ghearmailt.[4] Fhuair siathamh mac an diùc, Ernst, an sgìre mu timcheall Hildeburghausean fhèin, a bharrachd air Eisfeld, Heldburg, Schalkau agus Veilsdorf. Chaidh piseach a thoirt air oighreachdan a bhuineadh dhan diùcachd ann an 1714, nuair a dh' iomlaideadh Schalkau airson pìosa fearainn air feadh Sagsainn. Bha Sagsainn-Hildburghausen na ball Co-chaidreachas na Rèine bho 1806 gu ruige 1813,[5] nuair a dh' atharraich Napoleon Bonaparte structair phoileataigeach na Gearmailt, a' cur às do dh' Ìmpireachd Naomh na Ròimhe.[6] Chuir Sagsainn-Hildburghausen agus na diùcachdan eile ann an Sagsainn 2000 saighdearan uile gu lèir do Fheachdan a' Cho-chaidreachais.[7] Chaidh an Diùcachd a chruthachadh ann an 1826 tro Chòrdadh Hildburghausen, a dh'atharraich nan diùcachdan ann an Sagsainn an dèidh bàs Friedrich IV à Diùcachd Sagsainn-Altenburg gun chlann.[8]

Ceannardan na Stàite[deasaich | deasaich an tùs]

Iomraidhean[deasaich | deasaich an tùs]

  1. Almanach de Gotha
  2. Ernst der Fromme, Herzog zu Sachsen-Gotha und Altenburg: ein Beitrag zur Geschichte des 17. Jahrhunderts, Teil 1
  3. Almanach de Gotha
  4. Spectator Archive
  5. Napoleon
  6. Alain Pigeard, Dictionnaire de la Grande Armée, Tallandier,‎ septembre 2002 (ISBN 2-84734-009-2), duilleag. 374
  7. Jean Tulard (dir.), Dictionnaire Napoléon, vol. A-H, Fayard,‎ octobre 1999 (ISBN 2-213-60485-1), duilleag. 486
  8. Herntrich T, Thüringen: von den thüringischen Kleinstaaten nach Zerfall des Alten Reiches bis zum Freistaat Thüringen, Frankfurt 2010, ISBN-978-3-631-61024-4