Faodaidh neach sam bith, thusa cuideachd, cha mhòr aiste sam bith a dheasachadh is a leudachadh no artaigeil ùr a chruthachadh. Ma chì thu dòigh gus duilleag a leasachadh, bi dàna agus dèan e!
Briog air “deasaich” a nochdas air bàrr na duilleige (no am broinn nan aistean fada).
Thèid don àite far a bheil a' mhearachd agus ceartaich i, no cuir na leasachaidhean agad ris an teacsa a th' ann.
Aig bonn na duilleige cuir “gearr-chunntas” ann mu na h-atharrachaidhean a rinn thu: m.e. ceartachadh mearachd-chlò, ainm ùr ceannard na dùthcha…, mar sin bi e nas fhasa do chleachdaichean eile fhaicinn na rinn thu.
Briog air “Seall an ro-shealladh”, chìthear am bi na h-atharrachaidhean agad a’ nochdadh anns an dòigh a tha thu a’ iarraidh.
Ma bhios a h-uile rud ceart gu leòr briog air “Sàbhail an duilleag”.
Mar a chuireas tu artaigil ùr ris. Uaireannan chan faigh thu artaigil a tha thua a' lorg ach ceangal dearg. No uaireannan chìthear ainmean dearga anns na h-aistean. Tha sin a' sealltainn, nach eil aiste mun chuspair seo ann an-dràsta. Mar sin, faodaidh tu an aiste seo a chruthachadh. Dèan cinnteach nach eil aiste eile ann fo ainm eile no dlighe-sgrìobhaidh eile. Agus smaoinich ro làimh: a bheil an cuspair seo àraidh air aiste ann an leabhar-eòlais na Gàidhlig?
Cuir ainm na h-aiste ùir ann an “Lorg”. Bu chòir ainm ciallach a bhith ann.
Briog air a' cheangal dhearg.
Cuir an teacsa agad sa bhogsa gu h-ìosal anns an dearbh dòigh 's tha ri faicinn fo Deasaich. Cleachd an “Seall an ro-shealladh” gus bi thu toilichte leis an artaigil agad.
Feumaidh eadar còig is deich seantansan a bhith anns an artaigil le tùs iomchaidh agus dealbh/bogsa fiosrachadh (ma bhios iad ann). Chan eilear ag iarraidh stuban nas lugha na sin.
Mu deireadh thall, bhiodh e math ceangal dha na h-Uicipeidean eile a chur ris.
Tadhail air Uicipeid ann an cànan eile, can Wikipedia Beurla agus cuir ainm na h-artaigil sa Beurla ann an “Search” gus faighinn a-mach dè an t-ainm a tha air an aon duilleag aca. Can gu bheil thu a' sgrìobhadh artaigil air Glaschu, lorg airson "Glasgow" ann.
Air an duilleag agad fhèin (can "Glaschu"), chì thu earrann "Cànain" aig bonn a' chlàir-thaice air an taobh chlì. Ma chì thu cànan sam bith air an liosta, cha leig thu leas dad a dhèanamh. Mura faic, briog air a' cheangal "Cuir ceanglaichean ris" aig bonn na h-earrainn agus nochdaidh còmhradh.
Cuir còd a' chànain eile ann, seo "en" airson na Beurla, no "de" airson na Gearmailtis, mar eisimpleir.
Cuir ainm na duilleige sa chànan eile ann, seo "Glasgow" sa bhall-eisimpleir againn. Cha leig thu leas a-nis ach dèanamh cinnteach gun do nochd an duilleag cheart agus briogadh air na putanan gus am bi e deis.
Na biodh cus eagal ort gun dèan thu mearachdan. Tha a h-uile dreach de gach duilleig taisgte anns an stòr-dàta. Gabhaidh a h-uile deasachadh a lorg ann an eachdraidh na duilleige, agus mar sin gabhaidh seann lethbhreac a chur air ais ma bhios feum air sin.
