A' Hobat

A' Hobat, no A-null 's Air Ais A-rithist
Fiosrachadh
Sgrìobhadair	J. R. R. Tolkien
Bliadhna Foillseachaidh	1937
Cànan	Beurla
Dùthaich	Sasainn
Gnè-sgrìobhaidh	Nobhail fantasachd

'S e leabhar fantasachd a th' anns A' Hobat, no A-null 's Air Ais A-rithist (The Hobbit, or There and Back Again) a chaidh fhoillseachadh le J. R. R. Tolkien ann an 1937. Chaidh còrr is 100 millean lethbhreac dhen leabhar a reic bhon a sin.

Tha an leabhar stèidhichte ann am Meadhan-talmhainn, agus e a' leantainn turas Bhiolbo Bagainn, hobat - creutair goirid coltach ri duine, le casan ròmach - a tha a' fuireach ann an toll san talamh anns an t-Siorrachd. Ged a tha Biolbo bho thùs rudeigin dèidheil air cofhurtachd na taighe, às dèidh beagan breugaidh tha e deònach a' falbh air turas le 12 troichean agus an draoidh Gandalf, gus an dràgon Smòg a ruagadh à seann àite-còmhnaidh nan troichean agus am mòr-ulaidh fhaighinn air ais.

Thairis air an turas, tha Biolbo agus na troichean a' coinneachadh ri iomadach diofar creutair, eadar mhath agus olc, agus gam faighinn fhèin a-mach à iomadach stailc, agus tron a h-uile duilgheadas, tha Biolbo a' fàs nas ealanta agus nas misneachaile, agus a' cosnadh cliù mar sin leis na troichean.

Eadar-theangachadh

Chuir an t-Oll. Moray Watson aig Oilthigh Obar Dheathain a' Ghàidhlig air le taic bho Chomhairle nan Leabhraichean.