Werner Kissling

O Uicipeid
Gearr leum gu: seòladh, lorg

'S e fear togail dhealbhan a bh' ann an Werner Kissling (1895-1988). Rugadh e ann am Breslau (Silesia) ann an teaghlach iar-fhlaitheach agus beartach. Às dèidh a' chiad chogaidh bha e ag obair ann an seirbhis dhioplomasaich Ghearmailtich. Seach agus gun robh e gu làidir an aghaidh nan Nàsach, dh’fhàg e an obair seo agus a’ Ghearmailt aig toiseach nan deich air fhicheadan agus chaidh e a Bhreatainn far an robh e a’ teagasg gu prìobhaideach agus far an do thòisich e le bhith togail dhealbh-camara. Bhiodh e a’ tadhal air na h-Eilean Siar gu tric nuair a rinn e rannsachadh an lùib cultair dhùthasaich. Agus b’ ann eadar 1928 agus 1960 a bhiodh e a’ toirt cunntais dhuinn mu bheatha muinntir Uibhist a Deas is Èirisgeigh tro dhealbhan-camara. B’ esan a rinn a’ chiad fhilm riamh anns an robh Gàidhlig ri cluinntinn ann an 1934 – A Poem of Remote Lives.

Bha na dealbhan aige ri fhaicinn airson a' chiad turais ann an 2011 ann an LandesMuseum (taigh-tasgaidh na dùthcha) ann am Bonn. Bhon Ògmhios 2012 a-mach tha an taisbeanadh ann an taigh-tasgaidh Chill Donnain ann an Uibhist a Deas.

Leabhraichean[deasaich | edit source]

  • Michael W. Russell, 1997 The Enigma of Werner Kissling 1895–1988. Neil Wilson Publishing, Glaschu ISBN 1-897784-46-5

Ceanglaichean a-mach[deasaich | edit source]