Tocaima

Tocaima Bratach a' bhaile Gearradh-arm no Seula
Mapa a' bhaile
Sealladh air a' bhaile
Suidheachadh
Dùthaich	Coloimbia
Roinn	Cundinamarca
Sgìre	Magdalena Àrd
Àirde	400m
Teodhachd	28˚
Co-chomharran	04' 27' 47' Tuath 74° 38' 17' Iar
Feartan fiosaigeach
Farsaingeachd	246 km²
Àireamh-shluaigh	17,196 (2005)
Dlùths	69.9/km²
Duilleag oifigeil	Comhairle a’ Bhaile

‘S e baile beag ann an Cundinamarca, Coloimbia, a th’ann Tocaima. Tha e suidhichte dìreach ann am meadhan na dùthcha aig 400m os cionn ìre na mara aig astar dhe 102km bho Bhogotá agus 30km dhen Abhainn Mhagdalena. ‘ S e baile le clìomaid gu math teth a th’ann Tocaima, agus tha teodhachd meadhanach dhe 28˚ aige. Chaidh am baile a steidheachadh ann an 1544.

Sluagh a' bhaile

Tha 17,196 nan tàmh anns a' bhaile fa leth, ach chan eil ach 7,220 a’ fuireach thall anns na sgìrean dùthchasail am broinn crìochan a' bhaile. Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin. Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.

Taobh chinnidh, ' s e daoine geala/mestizos a th'ann a' mhòr-chuid dhe na daoine ann an Tocaima, ach tha 0.02% dhe Tùsanaich agus 0.03% dhe daoine le freumhan ann an Afraga. ' S urrainn dhan 82.9% dhe na daoine ann an Tocaima leughadh agus sgrìobhadh. A tuilleadh air sin, chan eil fòn aig an taigh aig 31.9% dhe na dachannan.

Fèisean

Thathar a’ cumail am iomadach seòrsa dhe fhèis ann an Tocaima. Chithear fèilltean caitligeach, leis gur e dùthaich le mòr-chuid chaitligeach a th’ann fhathast, fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.

• Fèis an Neo-eisimeileachd: 20mh An t-Iuchar.

Daoine Ainmeil

Chaochail José Eusebio Otálora an seo ann an 1885.

Ceanglaichean A-mach

An t-sìde ann an Tocaima