Stafainn

O Uicipeid
Gearr leum gu: seòladh, lorg
Stafain agus Lùb Stafain

Is e sgìre (reachdail) Eaglais na h-Alba agus sgìre croitearachd air taobh sear Trondarnais Eilean Sgitheanach a th' ann an Stafainn[1]. Tha an sgìre sinte fo charnaich Cuithe Fhraing bhon Leth Allt gu deas thairis gu Cille Moluaig air Tuath.

Tha Stafainn a' gabhail a-steach grunnan bailtean croitearachd: a-nios bho deas: An Leth Allt, , Clachan, Digg, Flòdaigearraidh is Baile Mhic Chuinne.

Tha An Clachan, far a bheil Eaglais na h-Alba agus Eaglais Shaor còmhla le bun-sgoil agus Ionad "Columba 1400" suidhichte aig 57° 37′ Tuath agus 6° 13′ Iar. Tha buth, talla, taighean beaga agus ionad pheatroil sinte a mach ri taobh an rathaid eadar Clachan agus Digg.

A-rèir staitistearachd ann an 2001, b'urrainn do 61% den t-sluagh Gàidhlig a bhruidhinn is a thuigsinn. [2] Ann an 2010 bha Gàidhlig aig 25 cloinne a-mach à 30 ann an Bun-sgoil Stafainn.[3]

Ann an 2010 bhuaileadh an tiotal "Coimhearsnachd Gàidhlig na Bliadhna" air le Comann na Gàidhlig. 'S e a’ chiad turas a bha an fharpais air a bhith ann. Fhuair a' choimhearsnachd a’ phrìomh dhuais de thrì mìle not (£3,000).[4]

Urras an Taobh Sear[deasaich | deasaich an tùs]

Chuireadh Urras an Taobh Sear an cois ann an 1994 air sgàth 's gun robh dragh air daoine leis mar a bha àireamh-sluaigh na sgìre a' crìonadh.[5]

Iomraidhean[deasaich | deasaich an tùs]

  1. Ainmean Àite na h-Alba
  2. Mac an Tàilleir, Iain (2004) 1901-2001 Gaelic in the Census (PowerPoint) Linguae Celticae. A tarraing air: 22 an t-Sultain 2010
  3. Ross, John (18 an t-Sultain 2010) "Second school set to replace English with Gaelic as classroom language". Dùn Èideann: The Scotsman. A' tarraing air 22 an t-Sultain 2010.
  4. Stornoway Gazette: Coimhearsnachd Ghàidhlig na Bliadhna Sgrìobhte 1d Sultain 2010. A' tarraing air 10 Samhain 2014
  5. Eachdraidh an Urrais aig Làrach-lìn an Urrais

Ceanglaichean a-mach[deasaich | deasaich an tùs]