Seac MacConaill

O Uicipeid
(Air ath-sheòladh o Seac MacDhòmhnaill)
Gearr leum gu: seòladh, lorg
Seac MacConaill
Jack McConnell
Seac MacConaill

Ann an rèim
22 an t-Samhain 2001 – 16 an Cèitean 2007
Aon-fhlath Ealasaid II
Roimhe Seumas Uallas
Leantail Ailig Salmond

Breith 30 an t-Ògmhios, 1960
Irbhinn
Pàrtaidh
poileataigeach
Phàrtaidh Làborach
Pòsadh Bridget NicConaill
Alma mater Oilthigh Shruighlea
Dreuchd Neach-teagaisg matamataic
Creideamh Eaglais na h-Alba

'S e neach poileataigs a tha ann an Seac MacConaill BPA. Rugadh e 30 an t-Ògmhios, 1960 ann an Irbhinn, taobh a tuath Siorrachd Àir.

'S e ceann a' Phàrtaidh Làborach Albannach a th' ann agus b' e Prìomh-Mhinistear na h-Alba a bh' ann mus do bhuannaich Pàrtaidh Nàiseanta na h-Alba an taghadh ann an 2007.

Ged a chaidh a bhreith an Irbhinn chuir e seachad òigridh air tuathanas chaora air Eilean Arainn. Aig aois sia-deug ghabh e pàirt ri Pàrtaidh Nàiseanta na h-Alba ach cha do dh'fhuirich e ann robh fhada. An deidh dhol gu Àrd Sgoil Arainn chaidh e rannsachadh foghlam aig Oilthigh Sruighlea far an robh e na cheannard tarsainn air a' Chomann Oileanach. A ceumnachadh ann an 1983 thoisich e ag obair mar maighstir a' teagasg eòlas-àireamh ann an Albha, Siorrachd Chlach Mhanainn agus chum e an obair seo fhad 's a bha e na chomhairliche.

Ghabh e dreuchd mar Rùnaire am Pàrtaidh Làborach ann an 1992. Rinn e adhartas mòr le mar a dh'obair e mu an taghaidh an 1997 nuair a bhuannaich Làbor gu mòr. Bho 1999 sheas e mar Ball-Pàrlamaid anns a chiad taghadh airson Pàrlamaid na h-Alba. Thug Dòmhnall Mac an Deòir, a chiad Prìomh Ministear aig Alba, obair dha mar Rùnaire Ionmhasail. Le bàs Dewar an 2000 sheas MacDhòmhnaill an aghaidh Eanraig MacGillÌosa anns an taghaidh airson ceannard ùr am Pàrtaidh agus Prìomh-Mhinistear ùr Alba ach chaill e. Na aite dh'obair e mar Rùnaire Foghlam, an Roinn-Eòrpa agus Cùisean a-Muigh fo MhacGillÌosa. An dèidh do MacGillÌosa a dhreuchd fhàgail an dèidh sgannal ghabh MacConaill àite mar am Prìomh-Ministear as aonais co-fharpais sam bith.

Ainm-sloinnidh sa Ghàidhlig[deasaich | deasaich an tùs]

Tha a h-uile teansa ann gur e MacDhòmhnaill a bh' air a theaghlach bho thùs a chionn ’s gur e Arainneach a th’ ann is a chionn ’s gum biodh ùru ann an Gàidhlig Arainn a dhèanadh fuaimneachadh MacConaill de MhacDhòmhnaill. Ach chan eil fios no cinnte againn mu dheidhinn sin, agus is e “Seac MacConaill” an t-ainm Gàidhlig a bh’ air aig a’ Phàrlamaid[1],[2] agus anns na meadhanan Gàidhlig gu léir nuair a bha e ’na Phrìomhaire.

  1. http://www.scottish.parliament.uk/EducationandCommunityPartnershipsresources/2003_election_results_Gaelic.pdf
  2. http://www.scottish.parliament.uk/EducationandCommunityPartnershipsresources/2007_election_results_Gaelic.pdf