Salamanca (provincia)

O Uicipeid
(Air ath-sheòladh o Roinn Salamanca)
Salamanca
Bratach na Roinne Gearradh-arm
no Seula
Suidheachadh
Dùthaich An Spàinn
Prìomh-bhaile Salamanca
Stèidhichte 1833
Feartan fiosaigeach
Farsaingeachd 12,349 km²
Àireamh-shluaigh 352,986 (2014)
Dlùths 28.58/km²
Àireamh fòn + (923)
Duilleag oifigeil Riaghaltas na Roinne

'S e provincia na Spàinne a tha ann an Salamanca (IPA: salaˈmaŋka). Tha e na laighe ann an Castilla y León, ann an ceann a tuath na dùthcha. 'S e Salamanca a tha na phrìomh-bhaile. Chaidh an roinn a chruthachadh ann an 1833 le Javier de Burgos, a bha na Rùnaire na Stàite agus Leasachaidh aig an àm.[1] B' e an siostam-riaghalaidh iondail na Frainge a chleachd e mar mhodal. Chuireadh a-steach Coimhearsnachd fèin-riaghlaidh Chastilla y León i ann an 1978, nuair a sgrìobhadh Bun-reachd ùr.[2] Sìnidh Salamanca fad 12,349km²[3] agus tha 352,986 duine a' fuireach ann.[4] Le sin, 's e an 16mh roinn as motha na Spàinne a thaobh talmhainn agus an 37mh a thaobh àireimh-sluaigh. Tha crìochain aice le Ávila, Cáceres, Valladolid, Zamora agus A' Phortagail.[5] 'S e dìreach Spàinntis a tha ga bruidhinn an seo.

Freumhan an ainm[deasaich | deasaich an tùs]

'S ann connspaideach 's a tha freumh-fhaclachd an ainm. B' e Helmantike (Gàidhlig: Tìr na Geaslanachd) a chanadh na Greugaich ris, agus sgrìobh Ptolomaidh gu robh dùn Ceilteach san sgìre air an robh Salmatica/Salmantica.[6] Sgrìobhadh Livius Hermandica e. Tha teòiridh caran ùr ann, a tha a' dearbhadh gur e ath a th' ann an t-eileamaid sala- (mar Salas de los Infantes ann am Burgos no Salas de Pallars ann an Lleida),[7] ged nach eil mòran dhaoine a' gabhail ri sin fhathast. Tha cruth na tìre a' gabhail ris an teòiridh ùr. Mar a b’àbhaist san Spàinn, b’ e dìreach ainm a’ bhaile a bu motha sa sgìre a chuireadh air an roinn.

Iomraidhean[deasaich | deasaich an tùs]

  1. Ethnoterritorial Concurrence and Imperfect Federalism in Spain
  2. Constitución Española de 1978
  3. Infoalso
  4. Classora
  5. Instituto Geográfico Nacional
  6. Moyas Díez T., Salamanca: guías de turismo de Castilla y León, Ediciones Grepheus, 2007, ISBN 84-87473-34-2
  7. Tertulia Arqueológica