Puerto Berrío

O Uicipeid
Gearr leum gu: seòladh, lorg
Puerto Berrío
Flag of Puerto Berrío.svg Escudopuertoberrio.jpg
Bratach a' bhaile Gearradh-arm
no Seula
Mapa a' bhaile
Colombia - Antioquia - Puerto Berrio.svg
Sealladh air a' bhaile
Puerto Berrío.jpg
Suidheachadh
Dùthaich Flag of Colombia.svg Coloimbia
Roinn Flag of Antioquia Department.svg Antioquia
Sgìre Magdalena Medio
Àirde 125m
Teodhachd 29˚
Co-chomharran 06° 29' 35' Tuath
74° 24' 26' Iar
Feartan fiosaigeach
Farsaingeachd 1,184 km²
Àireamh-shluaigh 38,935 (2005)
Dlùths 32.88/km²
Duilleag oifigeil Comhairle a’ Bhaile

‘S e baile meadhanach ann an Antioquia,[1] Coloimbia,[2] a th’ann Puerto Berrío. Tha e suidhichte dìreach ri taobh na h-aibhne Mhagdalena, air an àirde an ear na roinne, aig 125m os cionn ìre na mara agus aig astar dhe 192km bho Mhedellín. ‘ S e baile le clìomaid gu math teth a th’ann agus tha teodhachd meadhanach dhe 29˚ aige, rè na bliadhna. Chaidh am baile a steidheachadh ann an 1875.

Freumhan an Ainm[deasaich | edit source]

'S e Remolino Grande (Coilleag Mhòr) a' chiad ainm a bha air an aite sin, bho dhà fhacal ann an Spàinntis: Remolino (Coilleag)[3] agus Grande (Mòr), bhon fhacal Grandis ann an Laideann.[4] Tha am baile suidhichte ri taobh na h-aibhne Mhagdalena. 'S ann à ainm an Riaghladair Pedro Justino Berrío, a bhrosnaich leasachadh na sgìre, a thàinig an t-ainm a tha air a' bhaile an latha an-diugh.[5]

Sluagh a' bhaile[deasaich | edit source]

Tha 38,935 nan tàmh anns a' bhaile fa leth, ach chan eil ach 4,760 dhuibh a’ fuireach thall anns na sgìrean dùthchasail am broinn crìochan a' bhaile.[6] Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.[7] Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.

Taobh chinnidh, ' s e daoine geala/mestizos a th'ann a' mhòr-chuid dhe na daoine ann am Puerto Berrío, ach tha 0.2% dhe Tùsanaich agus 12.9% dhe daoine le freumhan ann an Afraga. ' S urrainn dhan 85.8% dhe na daoine ann an Puerto Berrío leughadh agus sgrìobhadh. A tuilleadh air sin, tha fòn aig 56% dhe na dachannan.[8]

Fèisean[deasaich | edit source]

Thathar a’ cumail am iomadach seòrsa dhe fhèis ann am Puerto Berrío. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,[9] fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.

Iomraidhean[deasaich | edit source]

  1. Mapa oifigeil na roinne
  2. Dùthchannan aig SMO
  3. Real Academia de la Lengua
  4. Real Academia de la Lengua
  5. Fiosrachadh a' Chomhairle
  6. Figearan Oifis a' Chunntas-sluaigh
  7. Colombia Virtual
  8. Bileag fhiosrachaidh DANE
  9. Country Studies: Colombia

Ceanglaichean A-mach[deasaich | edit source]

An t-sìde ann an Puerto Berrío