Oilthigh Halle-Wittenberg

Oilthigh Mhàrtainn-Lùtair Halle-Wittenberg

Stèidhichte	1502 (Wittenberg) agus 1694 (Halle)
Suidheachadh	Wittenberg (Sagsainn-Anhalt), Halle (Sagsainn-Anhalt), a' Ghearmailt
Oileanaich	~19.000
Làrach-lìn	http://www.uni-halle.de/

Is e oilthigh aosmhor Gearmailteach a tha ann an Oilthigh Mhàrtainn Lùtair Halle-Wittenberg (Martin-Luther-Universität Halle-Wittenberg sa’ Ghearmailtis, Martin-Luther-University of Halle-Wittenberg sa’ Bheurla). Tha e na laighe ann an Wittenberg agus ann an Halle-Saale ann an Sagsainn-Anhalt anns a' Ghearmailt. B’ àbhaist a bhith dà oilthigh ann a chaidh an cuir ri chèile ann an 1817.

Eachdraidh

'S e am pàirt den Oilthigh Wittenberg ris an canar “Leucorea” am fear as sine. Chaidh a stèidheachadh ann an 1502 le cuideachadh bho rìgh Frederic III. Bha e ceangailte ris a’ mhanachainn Augustineum. Thòisich iad air eòlas-lagha, eòlas-diadhachd agus eòlas-leighis a theagasg. Bho 1508 bha Màrtainn Lùtair ag obair an seo. Bha Melanchthon na àrd-ollamh airson cànan Greugais. Anns an 16mh linn bha an t-Oilthigh Wittenberg cliùiteach airson rannsachaidh chreideimh.

Togalach Oilthigh Halle ann an 1836

Ach nuair a ràinig Napoleon Sagsainn ann an 1813, dhùin e an t-oilthigh. An uair sin dh’ imrich Oilthigh Wittenberg gu Halle.

Ach bha Oilthigh Halle an-seo mar thà, fear a chaidh a stèidheachadh ann an 1694. Ann an 1817 chaidh an dà oilthigh a chuir ri chèile mar Vereinigte Friedrichs-Universität Halle-Wittenberg. Is e sin as adhbhar gu bheil dà dealbh aig an oilthigh. Dh’atharraich an t-ainm a-rithist gu Martin-Luther-Universität Halle-Wittenberg ann an 1933.

An talla "Audimax" an-diugh

An-diugh tha ionad airson eachdraich an Ath-Leasachaidh ann, ionad airson Cànan agus Dualchas na Gearmailt, agus ionad airson rannsachadh mu na Stàitean Aonaichte.

Daoine cudthromach

Daoine cudthromach ann an Oilthigh Wittenberg

• Màrtainn Lùtair
• Phillip Melanchthon

Àrd-ollaimhcudthromach ann an Oilthigh Halle-Wittenberg:

• Emil Adolf von Behring, (1854-1917), fhuair e Duais Nobel 1901 airson eòlas-leighis
• Gustav Hertz, (1887-1975), fhuair e Duais Nobel nàdar- fheallsanachd ann an 1925
• Karl Ziegler, (1898-1973), fhuair e Duais Nobel ceimigeachd ann an 1963

Oileanaich cudthromach ann an Oilthigh Halle-Wittenberg:

• Georg Friedrich Händel, (1685-1759), neach-ciùil
• Clemens Brentano, (1778-1842), bàrd ainmeil anns a’ Ghearmailt
• Joseph Freiherr von Eichendorff, (1788 - 1857), bàrd agus sgrìobhadair ainmeil anns a’ Ghearmailt

Ceanglaichean a-muigh

• Duilleag Oifigeil Oilthigh Màrtainn-Lùtair Halle Wittenberg, anns a' Bheurla
• Duilleag oifigeil nan oileanaich, anns a' Bheurla
• ZUSAS, anns a’ Bheurla
• Ionad Rannsachaidh Wittenberg, anns a’ Bheurla
• Duilleag oifigeal Leurorea Wittenberg, anns a' Ghearmailtis
• Liosta nan Àrd-Ollaimh

Aistean co-cheangailte

Oilthighean Aosmhor