Eurabol

O Uicipeid
Gearr leum gu: seòladh, lorg
Cidhe aig Eurabol

'S e baile air a’ Ghàidhealtachd a tha ann an Eurabol (Beurla: Embo). Tha am baile suidhichte anns an t-siorrachd traidiseanta Cataibh mu dà mhìle air àird a tuath Dòrnaich. 'S e seo na co-chomharran aige: 57° 54′ 0″ Tuath agus 3° 58′ 48″ Iar.

Tha timcheall air 300 duine a' fuireach an seo. Tha na stèiseanan as faisge mu 10 mìltean air falbh ann an Baile Dhubhthaich agus ann an Goillspidh.

Thàinig ainm a' bhaile às an t-Seann-Lochlannais agus tha e a’ ciallachadh "tuathanas cladaich" (beach farm). A-rèir Iain Mhic an Tailleir is dòcha gun robh ainm eile air: "Ethenboll" leis an ciall "Eyvind’s farm". Bha am baile ainmichte fon ainm "Eurabol nan coileagan" cuideachd. [1]

Rinn Nancy Dorian, cànanaiche às na Stàitean Aonaichte rannsachadh mu ìre na Gàidhlig aig na daoine na bha a' fuireach an seo. Bha an rannsachadh aice a' sealltainn gun robh nas motha na 100 duine às na 300 duine a' cleachdadh Gàidhlig mar cànain lathail ann an 1964.[2]

Iomraidhean[deasaich | edit source]

  1. Iain Mac an Tailleir, "Ainmean-Àite", duilleag 46, Pàrlamaid na h-Alba
  2. East Sutherland Gaelic: The Dialect of the Brora, Golspie, and Embo Fishing Communities, 1978, Dublin Institute for Advanced Studies

Ceanglaichean a-mach[deasaich | edit source]

  • Iomraidhean nam mapaichean airson comharradh-clèithe: NH 816 928